Hádegisfréttir

Hádegisfréttir 9. júní 2026

Framkvæmdastjórn Evrópusambandsins leggur til að Rússum sem hafa tekið þátt í hernaðaraðgerðum í Úkraínu verði bannað að koma inn á Schengen-svæðið. Þetta er í samræmi við áskorun dómsmálaráðherra Íslands og tíu annarra Evrópuríkja.

Rússneskir hermenn og málaliðar voru settir um borð í svokölluð skuggaflotaskip til að tryggja að áhafnir færu eftir fyrirmælum og hlýddu ekki skipunum frá evrópskum eftirlitsstofnunum; alþjóðleg rannsókn leiðir þetta í ljós.

Leigusali segist smeykur við að leigja út eign sína vegna tjóns sem leigjandi olli honum, leigjandinn var í íbúðinni í sex mánuði án þess að borga.

Ágætis gangur er í samningaviðræðum um þinglok. Helsti ásteytingarsteinninn er frumvarp um lagareldi.

Donald Trump forseti Bandaríkjanna segir samning við Íran í augsýn á næstu dögum. Hann hefur minnst 37 sinnum á síðustu tveimur mánuðum sagt að samkomulag sé í nánd.

Nærri sjö hundruð manns hafa verið gripnir við akstur undir áhrifum fíkniefna það sem af er ári. Aðalvarðstjóri á höfuðborgarsvæðinu segir að mörgum finnist ekki tiltökumál að aka undir áhrifum.

Umsóknum um nám við Háskólann á Akureyri fjölgar mikið milli ára, sérstaklega á meistarastigi. Sveigjanleiki námsins hentar nútímasamfélagi að sögn rektors

Kylfingurinn Gunnlaugur Árni Sveinsson varð í gærkvöld fyrsti íslenski karlinn til að vinna sér inn keppnisrétt á Opna bandaríska meistaramótinu í golfi.

Birt

9. júní 2026

Aðgengilegt til

Rennur ekki út

• 00:01:38 Nýjar refsiaðgerðir ESB
• 00:02:42 Skuggafloti
• 00:05:15 Réttindi leigusala
• 00:06:49 Þing
• 00:08:46 Trump segir samning í augsýn - aftur
• 00:10:36 Réttarstaða sjálfkeyrandi bíla
• 00:11:15 Fjölgun umsókna í Háskólann á Akureyri
• 00:12:56 Jóna Árný áfram bæjarstjóri
• 00:13:24 Aukinn akstur undir áhrifum fíkniefna
• 00:15:26 Saksóknari leystur frá störfum
• 00:16:26 Hjúkrunarrými á Selfossi
• 00:17:51 Íþróttir
• 00:19:53 Landsleikur í fótbolta

Útvarpsfréttir.