Hádegisfréttir

Hádegisfréttir 6. júní 2026

Barnafjölskyldur - sem á að vísa úr landi - verða vistaðar í sérstöku húsnæði og þurfa ekki að deila rými með öðrum samkvæmt breytingartillögu meirihluta allsherjar- og menntamálanefndar við frumvarp um brottfararstöð. Formaður nefndarinnar gerir ráð fyrir að frumvarpið fari í lokaatkvæðagreiðslu í næstu viku.

Verkalýðsfélagið Hlíf í Hafnarfirði sakar ræstingarfyrirtækið Nostru um ítrekuð brot á kjarasamningum. Laun hafi verið greidd seint og illa og starfsmenn kvartað undan vinnuskipulagi. Fyrirtækið hafnar ásökunum félagsins alfarið.

Íranar gerðu flugskeytaárásir á bandarískar herstöðvar í Mið-Austurlöndum í nótt. Þrátt fyrir vopnahlé hefur lítið dregið úr átökum.

Tæplega 500 smit hafa verið greind í ebólufaraldri sem gengur yfir Lýðstjórnarlýðveldið Kongó í Afríku. Alþjóðaheilbrigðismálastofnunin varar við því að faraldurinn geti orðið sá stærsti til þessa.

Kosið verður til þings í Armeníu á morgun. Kosningarnar snúast að mestu leyti um hvort Armenar vilji styrkja tengslin við Evrópu enn frekar og þá fjarlægast Rússa.

Eftir sigur á Úkraínu í gær er ljóst að Ísland endar í þriðja sæti undanriðils síns fyrir heimsmeistaramót kvenna í fótbolta. Á þriðjudag mæta heimsmeistararnir frá Spáni á Laugardalsvöll í lokaleik undankeppninnar, og svo tekur umspil við hjá Íslandi.

Birt

6. júní 2026

Aðgengilegt til

Rennur ekki út

• 00:00:00 Helst
• 00:01:37 Breytingar á frumvarpi um brottfararstöð
• 00:03:15 Icelandair - kjaradeila
• 00:03:15 Verkalýsfélagið Hlíf segir Nostru brjóta kjarasamn
• 00:06:06 Íran og Bandaríkin skipast á árásum
• 00:07:41 Tæplega 500 staðfest ebólusmit
• 00:08:31 Kosningar í Armeníu
• 00:10:32 Þrjár handtökur á Akureyri
• 00:11:05 Bændur uggandi vegna maðkaflugu
• 00:12:17 Reykholt í Bláskógabyggð 100 ára
• 00:14:24 Þungarokkshátíðin Sátan
• 00:16:36 Íþróttir

Útvarpsfréttir.