Hádegisfréttir

Hádegisfréttir 3. júní 2026

Áslaug Arna Sigurbjörnsdóttir tilkynnti í morgun að hún láti af þingmennsku. Áslaug var kosin fyrir Sjálfstæðisflokkinn fyrir tíu árum, en hefur verið í leyfi undanfarið ár.

Í fyrsta sinn eru fleiri konur en karlar í ríkisstjórn Danmerkur. Mette Frederiksen kynnti ráðuneyti sitt í morgun.

Erlendir leiðsögumenn, sem ekki hafa rekstrarleyfi, voru stöðvaðir meira en sjötíu sinnum á Suðurlandi í fyrra. Einum var snúið við á landamærunum á Seyðisfirði.

Fjármálaráðherra segir ráðuneyti hans ekki hafa fundað um kjaradeilu Icelandair og Félags íslenskra atvinnuflugmanna. Fyrrverandi forstjóri Icelandair bendir á að fyrirtækið hafi ekki skilað arði í níu ár.

Þrítugs Íslendings er saknað í Taílandi. Síðast spurðist til hans 23. maí. Aðstandandi segir að það sé eins og jörðin hafi gleypt hann.

Úkraínuher gerði árásir á olíuinnviði í Pétursborg í Rússlandi í morgun. Reykjarmökk lagði yfir borgina á sama tíma og alþjóðleg efnahagsráðstefna hófst.

Líklega er hægt að greina hvort bein Jónasar Hallgrímssonar séu í gröfinni á Þingvöllum, segir prófessor í stofnlíffræði. Það velti þó á því hvernig þau hafa varðveist.

Nokkrar breytingar hafa verið gerðar á knattspyrnureglum og þær verða allar sýnilegar á heimsmeistaramótinu sem hefst í næstu viku. Meðal nýjunga eru tímamörk á innköst, markspyrnur og skiptingar auk þess sem myndbandsdómarar fá aukið hlutverk í ákveðnum atvikum.

Birt

3. júní 2026

Aðgengilegt til

Rennur ekki út

• 00:01:41 Áslaug Arna hættir
• 00:05:05 Ný stjórn í Danmörku m
• 00:07:11 Leyfislausum leiðsögumönnum fjölgar m
• 00:09:10 Kjaradeila Icelandair og flugmanna m
• 00:10:58 Árásir á olíuinnviði Pétursborgar m
• 00:13:15 Íslendingur týndur í Taílandi m
• 00:14:01 Íranar ráðast á Kúveit m
• 00:14:38 Vélfagsmálið í hæstarétti
• 00:15:59 Er hægt að greina bein Jónasar? m
• 00:17:29 Lögregla leitar vitna vegna innbrots í Reykjabúið
• 00:18:11 Íþróttir

Útvarpsfréttir.