Hádegisfréttir

Hádegisfréttir 23. apríl 2026

Átján eru slasaðir eftir að tvær lestir rákust saman á Norður-Sjálandi í morgun. Fimm eru í lífshættu.

Líbanar saka Ísraelsher um hafa framið stríðsglæp eftir að einn blaðamaður var drepinn og annar særðist í loftárás á suðurhluta landsins. Herinn hafi beint árásum gegn blaðamönnunum og hindrað björgunarstarf.

Sviptingar í alþjóðamálum gæti þýtt breytta nálgun Evrópusambandsins til mögulegra aðildarviðræðna við Ísland en áður, segir alþjóðastjórnmálafræðingur. ESB sjái hag sinn í því að reyna að höfða til Íslendinga, Norðmanna og ekki síst Breta.

Óboðleg staða á leigumarkaði bitnar sérstaklega mikið á aðfluttu vinnuafli, segir formaður Eflingar. Stjórn Eflingar vill að stjórnvöld setji á leigubremsu.

Í dag er sumardagurinn fyrsti og veður virðist með skaplegasta móti víðast hvar um landið. Við tölum við veðurfræðing um útlitið.

HK varð í gærkvöldi Íslandsmeistari kvenna í blaki eftir sigur á KA í æsispennandi leik, 3-2. HK vann alla þrjá leiki úrslitanna og vann þrefalt í vetur.

Birt

23. apríl 2026

Aðgengilegt til

Rennur ekki út

• 00:01:14 Lestarslys í Danmörku
• 00:02:53 Blaðamaður drepinn í Líbanon
• 00:07:00 Alþjóðastjórnmálafræðingur um ESB-viðtal
• 00:08:59 Árás í Dnipro í Úkraínu
• 00:09:30 Spánn sendir herbúnað til Úkraínu
• 00:10:30 Formaður Eflingar um leigumarkaðinn
• 00:12:32 Græna gangan
• 00:13:00 Sumardagurinn fyrsti og veðrið
• 00:14:14 Íslenskt kaffi í Garðyrkjuskólanum
• 00:16:08 Íþróttir

Útvarpsfréttir.