Hádegisfréttir

Hádegisfréttir 14. apríl 2026

Fulltrúar Líbanons og Ísraels funda í Washington í dag með utanríkisráðherra Bandaríkjanna. Líbönsk stjórnvöld vilja tryggja frið milli Ísraels og Hezbollah. Leiðtogi Hezbollah leggst þó gegn viðræðunum.

Fyrrverandi samherjar Guðmundar Inga Kristinssonar í Flokki fólksins undrast brotthvarf hans úr flokknum. Þeir kannast ekki við trúnaðarbrest eða ósætti innan flokksins.

Milljörðum er varið í stríðið gegn fíkniefnum árlega hér á landi en þrátt fyrir það er framboð af þeim verulegt. Afbrotafræðingur telur að endurskoða þurfi fíkniefnalöggjöfina.

Oddvitaumræður RÚV fyrir komandi sveitarstjórnarkosningar hefja göngu sína í kvöld þegar oddvitar framboðanna sex í Hafnarfirði mætast í sjónvarpi.

Kostnaður við rekstur sendiskrifstofa Íslands á erlendri grundu hefur aukist um hundruð milljóna síðustu þrjú ár. Rekstrarkostnaður sendiskrifstofunnar í Peking hefur hækkað um 100 milljónir frá 2023.

Hvernig á að forgangsraða í öryggis- og varnarmálum á umrótatímum? Þetta er eitt helsta umræðuefnið á árlegri ráðstefnu um alþjóðasamvinnu, sem nú stendur yfir í Norræna húsinu.

Íslenska kvennalandsliðið í fótbolta tekur á móti Úkraínu í undankeppni heimsmeistaramótsins í Brasilíu 2027. Liðin munu að líkindum berjast um umspilssæti og því gæti sigur reynst afar dýrmætur.

Birt

14. apríl 2026

Aðgengilegt til

Rennur ekki út

• 00:01:43 Ísraelar og Líbanar funda í dag
• 00:04:01 Afsögn Guðmundar Inga kom ráðherrum flokksins á óv
• 00:05:51 Krakkfaraldur og refsistefna stjórnvalda
• 00:07:35 Yfir 300 þúsund á kjörskrá
• 00:08:28 Oddvitaumræður RÚV að hefjast
• 00:10:40 Magyar með stjórnarmyndunarumboð
• 00:11:14 Kostnaður við rekstur sendiskrifstofa hækkaði um 4
• 00:13:00 Alþjóðasamvinna á krossgötum
• 00:15:32 Eitrað fyrir dýrum í Kjós
• 00:16:52 Eftirlit með börnum og mökum
• 00:18:00 Norskur unglingur keyrði rútu til Svíþjóðar
• 00:18:34 Íþróttir

Útvarpsfréttir.