Hádegisfréttir

Hádegisfréttir 27. maí 2026

Sjálfstæðisflokkurinn, Framsóknarflokkurinn og Viðreisn kynntu í morgun samkomulag um meirihluta í borgarstjórn. Hildur Björnsdóttir verður næsti borgarstjóri.

Ara Edwald, oddvita Miðflokksins, var í morgun boðið að verða stjórnarformaður Orkuveitunnar. Hann hefur ekki ákveðið hvort hann þiggur boðið.

Maður sem vann í leikskólanum Múlaborg í Reykjavík var í gær dæmdur fyrir kynferðisbrot gegn barni þar.

Síðari umræðu um þjóðaratkvæðagreiðslu um ESB-viðræður er ekki lokið. Tíminn er að verða knappur ef halda á þjóðaratkvæðagreiðslu 29. ágúst.

Tugir hafa látið lífið í árásum Ísraela á Líbanon síðasta sólarhring. Árásirnar eru þær mestu í suðurhluta landsins síðustu vikur. Óttast er að þær flæki til muna samningaviðræður Bandaríkjanna og Írans.

Fleiri konur snúa aftur í ofbeldissambönd eftir að hafa leitað sér aðstoðar en síðustu ár.

Og í Múlaþingi undirrita Framsóknarflokkur og Sjálfstæðisflokkur nýjan málefnasamning um meirihlutasamstarf í hádeginu.

Dagur Sigurðsson, landsliðsþjálfari Króata í handbolta, fékk háa sekt frá evrópska handknattleikssambandinu fyrir ummæli sem hann lét falla á EM í janúar, þegar hann gagnrýndi skipulag mótsins.

Birt

27. maí 2026

Aðgengilegt til

Rennur ekki út

• 00:01:30 Nýr meirihluti í Reykjavík
• 00:04:15 Ari Edwald um nýjan meirihluta
• 00:05:47 Eiríkur Bergmann um meirihlutann
• 00:09:08 Dómur í Múlaborgarmálinu
• 00:10:23 Evrópuumræða á þingi
• 00:12:44 Árásir á Líbanon flækja Íransviðræður
• 00:14:32 Nýr meirihluti í Múlaþingi
• 00:16:11 Fleiri konur snúa aftur í ofbeldissambönd
• 00:17:57 Bretar og Pólland gera varnarsamning
• 00:18:19 Íþróttir

Útvarpsfréttir.