Hádegisfréttir

Hádegisfréttir 3. apríl 2026

Íranar réðust á vatnshreinsistöð í Kúveit og gerðu einnig árásir á Ísrael og fleiri skotmörk í Persaflóa í nótt. Bandaríkjaforseti gefur enn í hótanir gegn Íran og segir að Bandaríkjaher sé rétt að byrja.

Dræmt fylgi Framsóknarflokksins í nýjum Þjóðarpúlsi Gallup er brýning um að gera þurfi betur, segir formaðurinn. Flokkurinn þurfi að leita í ræturnar til að ná betur til landsmanna.

Rússneski herinn hefur látið eldflaugum og drónum rigna yfir skotmörk í Úkraínu síðan í gærkvöldi. Þetta er í annað skiptið í þessari viku sem Rússar fylgja næturárásum eftir fram í dagsbirtu.

Lögreglan lokaði þremur afhendingarstöðum áfengisverslana á Akureyri í gærkvöld fyrir að afhenda áfengi á helgidögum.

Bandarísk kona, sem hvarf þrettán ára gömul fyrir þrjátíu og tveimur árum er fundin heil á húfi. Tækniframfarir og nýjar rannsóknaraðferðir skiptu sköpum eftir áratuga leit.

Það er ekkert sem býr þig undir svo stórkostlega sýn á jörðina, segir einn geimfarana fjögurra sem nú eru á leið til tunglsins eftir að hafa hringsólað jörðu.

Árleg píslarganga umhverfis Mývatn er gengin í dag, á Föstudaginn langa. Slæmt veður setur svip á gönguna í ár segir skipuleggjandi, færri taka þátt en vanalega.

Skíðasvæði landsins eru vel sótt í dag og blíðskaparveður á mörgum þeirra. Ekki síst norðan heiða þar sem er mikill snjór og sól og blíða.

Birt

3. apríl 2026

Aðgengilegt til

Rennur ekki út

• 00:01:36 Átökin harðna í Mið-Austurlöndum
• 00:03:14 Formaður Framsóknar bjartsýnn þrátt fyrir
• 00:04:51 Afhendingarstöðum áfengisverslana lokað
• 00:05:43 Viðtal við tunglfarana
• 00:08:17 Árásir á Úkraínu
• 00:08:52 Svíar um borð í olíuskip
• 00:09:26 Fundin heil á húfi 32 árum eftir hvarf
• 00:10:38 Píslaganga í Mývatnssveit
• 00:12:47 Skíðasvæðin
• 00:14:34 Leiðindafærð fyrir austan
• 00:15:00 Íþróttir
• 00:16:41 Veður
• 00:17:05 Seinnihelst

Útvarpsfréttir.