Hádegisfréttir

Hádegisfréttir 26. janúar 2026

Kona er þungt haldin eftir að eldur kviknaði í íbúð hennar í Reykjanesbæ í gær. Sjö hvolpar drápust í brunanum.

Komið er að vatnaskilum í Minneapolis vegna aðgerða ICE - innflytjendastofnunar Bandaríkjanna, segir ríkisstjóri Minnesota. Bandaríkjaforseti kennir Demókrötum um dauða manns sem var skotinn af liðsmönnum ICE.

Greinileg hrygningarganga fannst í loðnuleiðangri fimm skipa. Hafrannsóknastofnun upplýsir síðar í vikunni hvort aukið verði við loðnukvótann.

Bjarni Benediktsson, fyrrverandi ráðherra og formaður Sjálfstæðisflokksins er nýr framkvæmdastjóri Samtaka atvinnulífsins.

Einar Þorsteinsson verður áfram oddviti Framsóknarflokksins í Reykjavík. Óvíst er hvort Heiða Björg Hilmisdóttir borgarstjóri taki 2. sætið á lista Samfylkingarinnar. Miðflokkurinn kynnir einn frambjóðanda á dag og endar á oddvitanum.

Sveitarstjóri í Hornafirði telur uppbyggingu smáhýsa við Skaftafell standast lög. Sveitarfélagið hefur skilað formlegu svari til úrskurðarnefndar umhverfis- og auðlindamála.

Íslenska karlalandsliðið í handbolta hefur eftir sigur á Svíum í gær, örlögin í sínum höndum og þarf ekki að treysta á úrslit í leikjum annarra liða til að komast í undanúrslit. Næsti leikur er gegn Sviss á morgun.

Frumflutt

26. jan. 2026

Aðgengilegt til

Rennur ekki út

• 06:01:26 Eldsvoði í Reykjanesbæ
• 06:03:30 Vatnaskil í Minneapolis, segir ríkisstjóri
• 06:05:50 Loðnumælingum lokið
• 06:07:42 Skipstjóri á Barða NK
• 06:09:04 ESB hefur rannsókn á Grok og X
• 06:09:49 Bjarni Ben til SA
• 06:11:27 Viðræður um Úkraínu
• 06:11:59 Borgarstjórnarkosningarnar
• 06:14:54 Gistihús í Skaftafelli
• 06:16:33 Oftar tilkynnt um kynferðisbrot gegn börnum
• 06:17:18 Annar dúett kveður söngvakeppni
• 06:18:29 Íþróttir
• 06:20:37 Veður
• 06:21:03 Seinni helst

Útvarpsfréttir.