Menntamálaráðherra segir að ákvörðun um að auglýsa stöðu skólameistara Borgarholtsskóla tengist ekki skómálinu svokallaða, tilviljun hafi ráðið því að staða hans hafi verið ausglýst á undan stöðum annarra skólameistara. Lögmaður skólameistarans vill að forsætisráðherra, félagsmálaráðherra og aðstoðarmenn ráðherranna beri vitni fyrir dómi vegna málsins.
Ný forgangsröðun jarðganga er fyrst og fremst pólitísk og ekki gerð á þeim faglegu forsendum sem ríkisstjórnin heldur fram, segir formaður Framsóknarflokksins. Inniviðaráðherra kvaðst í gær ekki hafa lesið skýrsluna um jarðgangakosti á Austurlandi, sem hann vísaði til við kynningu samgönguáætlunar.
Stjórnvöld í Ísrael eru ánægð með að Ísraelum verði heimilað að taka þátt í Eurovision á næsta ári. Stjórn RÚV tekur ákvörðun á miðvikudag um þátttöku.
Útgerðarmaður á Vestfjörðum segir breytingar í byggðakerfi sjávarútvegs bitna á heilsársstörfum í minni plássum. Aukning í strandveiðum gagnist ekki öllum jafnt.
Evrópusambandið sektaði samfélagsmiðilinn X í morgun um tæpa átján milljarða króna fyrir að brjóta gegn nýrri stafrænni löggjöf sambandsins. Varaforseti Bandaríkjanna segir sekt ESB vera fyrir að neita að beita ritskoðun, en á það blæs framkvæmdastjórn sambandsins.
Nýtt og stærra Konukot var formlega opnað í Ármúla í Reykjavík í morgun. Framkvæmdastýra Rótarinnar segir þó ekki liggja fyrir hvenær konurnar geti nýtt sér aðstöðuna.
Það er óvenjugóðmennt í útvarpshúsinu í dag á árlegri Aðventugleði Rásar tvö.
