Hádegisfréttir

Hádegisfréttir 14. ágúst 2023

Þriggja vikna stúlka og tólf ára drengur eru meðal þeirra sjö sem létust í loftárásum Rússa á Kherson-hérað í gær. Úkraínuforseti segir að bruðgist veðri Glæpum Rússa verður svarað, segir . Rússar skutu að fraktskipi á Svartahafi í morgun, í fyrsta sinn frá því þeir drógu sig úr samkomulagi um kornútflutning frá Úkraínu.

Það gengur ekki að vísa réttindalausu fólki á sveitarfélögin, segir bæjarstjórinn í Hafnarfirði. Málin hafi ekki verið hugsuð til enda, þegar ný útlendingalög tóku gildi.

Tillögur sem kynntar voru í morgun, til að bæta þjónustu við börn með fjölþættan vanda, gætu sparað töluverðar fjárhæðir, segir barnamálaráðherra. Kostnaður við þær er fjórir og hálfur milljarður króna. 127 börn eru í þessum hópi.

Tveir eru til rannsóknar hjá lögreglunni á höfuðborgarsvæðinu vegna gruns um dreifingu á hatursboðskap gegn hinsegin fólki, eftir Gleðigönguna í Reykjavík. Regnbogafánar hafa verið skornir niður á nokkrum stöðum undanfarnar vikur.

Vantrauststillaga verður lögð fram á hendur formanni dómsmálanefndar sænska þingsins sem sagði nýverið að íslam væru andlýðræðisleg trúarbrögð og Múhameð spámaður væri fjöldamorðingi.

Atvinnuleysi mældist 2,8 prósent í síðasta mánuði og hefur ekki verið minna í nærri fimm ár.

Búast má við að fentanýl verði notað í auknum mæli sem vímuefni hérlendis á næstu árum. Í Bandaríkjunum er ólöglegt fentanýli blandað deyfilyfi fyrir dýr, sem gerir efnið enn hættulegra. Þúsundir hafa látist þar í landi af neyslu þess.

Frumflutt

14. ágúst 2023

Aðgengilegt til

13. ágúst 2024

• 00:01:46 Úkraínsk fjölskylda lést í loftárásum
• 00:03:38 Rússar skutu á fraktskip á Svartahafi
• 00:04:21 Bæjarstjóri Hafnarfjarðar gagnrýnir félagsmálaráðh
• 00:06:25 Handtökur í gleðigöngu
• 00:07:56 Börn með fjölþættan vanda
• 00:09:51 Minnsta atvinnuleysi í fimm ár
• 00:10:41 Fentanýlfaraldur
• 00:12:48 Útskrifaður af gjörgæslu eftir slys á Ólafsfjarðar
• 00:13:15 Vantraust á Svíþjóðardemókrata
• 00:15:16 Smábátasjómenn funda með forsætisráðherra
• 00:15:40 Bazoum verður ákærður fyrir landráð
• 00:17:30 Fimm skip á Akureyri og eitt í Grímsey
• 00:17:54 Mast kærir flutning á dráttarvél
• 00:18:20 Íþróttir
• 00:20:25 Veður
• 00:20:45 Seinni helst

Útvarpsfréttir.