Hádegisfréttir

Hádegisfréttir 19. júlí 2023

Erlendur ferðamaður var úrskurðaður látinn við komuna á sjúkrahús eftir að hafa hnigið niður við gosstöðvarnar á Reykjanesskaga í gærkvöld.

Slökkviliðsmenn telja sig hafa náð stjórn á gróðureldum við gosstöðvarnar. Hluti gígbarmsins hrundi í nótt og hraun flæðir nú til vesturs. Gönguleiðum verður lokað klukkan fimm í dag vegna versnandi veðurskilyrða.

Spár gera ráð fyrir miklum hita í Evrópu út júlí. Örtröð er á heilsugæslustöðvum á Ítalíu, þar sem hiti hefur farið yfir fjörutíu og fimm gráður.

Bandarískur hermaður sem er í haldi norðurkóreska hersins er talinn hafa flúið viljandi yfir landamærin frá Suður-Kóreu.

Verð á slægðum þorski hefur hækkað um ríflega hundrað krónur á stuttum tíma og hefur ekki verið hærra í rúma fimm mánuði.

Bandarískir ferðamenn hafa aldrei eytt jafn miklu hér á landi og í júní. Staða krónunnar og breyttar neysluvenjur hafa mikil áhrif, segir framkvæmdastjóri Samtaka ferðaþjónustunnar.

Húsleit var gerð á mánudag í tengslum við morðið á rapparanum Tupac Shakur. Rúmur aldarfjórðungur er frá því hann var skotinn til bana.

Gunnhildur Yrsa Jónsdóttir landsliðskona Íslands í fótbolta er hætt að leika með landsliðinu. Hún segir gott fyrir tapsára konu að enda á sigri.

Frumflutt

19. júlí 2023

Aðgengilegt til

18. júlí 2024

• 00:01:27 Gosstöðvarnar og andlát
• 00:03:37 Hafa náð tökum á gróðureldum
• 00:05:56 Ekkert lát á hitasvælunni
• 00:07:51 Segir Rússa viljandi ráðast á kornflutning
• 00:08:22 Þorskverð rýkur upp eftir strandveiðibann
• 00:09:25 Bandaríkjamaður flúði til Norður-Kóreu
• 00:11:38 Álit skipulagsstofnunar á landeldisáformum
• 00:13:27 Áframhaldandi gæsluvarðhald vegna gruns um morð
• 00:13:56 Húsleit vegna morðs á Tupac
• 00:15:33 Jafn mikilvægt að æfa samskipti og hornspyrnur
• 00:17:21 Bandarískir ferðamenn slá met
• 00:18:45 Íþróttir
• 00:20:48 Veður
• 00:21:13 Seinni helst

Útvarpsfréttir.