Fulltrúaráð Sjálfstæðisfélaganna í Fjarðabyggð og Grindavík skora á Bjarna Benediktsson, formann Sjálfstæðisflokksins, að halda Jóni Gunnarssyni sem ráðherra. Jón segir að Bjarni hafi ekki rætt breytingar á ráðherraskipan við sig.
Unglingar réðust á strætóbílstjóra á Akureyri í maí. Þar hafa skemmdarverk á strætisvögnum færst í aukana. Myndavélar voru settar upp í vögnunum til að auka öryggi.
Úkraínumenn sækja gegn Rússum í suðausturhluta landsins. Alþjóða-glæpadómstóllinn rannsakar mögulega stríðsglæpi Rússa.
Ný ákæra verður kynnt sakborningunum tveimur í hryðjuverkamálinu í dag. Farið er út í smáatriði einstakra athafna í því sem mönnunum er gefið að sök.
Formaður Lyfjafræðingafélagsins segir að lyfjafræðingar hafi fullan vilja til að auka aðgengi að lyfjum á kvöldin og um helgar á landsbyggðinni. Það vanti hins vegar svör við því hver eigi að borga fyrir bakvaktir þeirra.
Sviðsstjóri hjá Hafrannsóknastofnun telur réttast að grípa til veiðistjórnunar þar sem ástand bleikjustofna er verst. Hlýnandi loftslag er talin líklegasta skýringin á hnignun bleikjunnar.
Silvio Berlusconi, sem var þrívegis forsætisráðherra Ítalíu, er látinn -- áttatíu og sex ára að aldri. Ferill hans í stjórnmálum spannaði áratugi og hvert hneykslismálið rak annað.