Hádegisfréttir

Hádegisfréttir 21. júlí 2023

Ársverðbólga lækkaði í 7,6 prósent í júlí og hefur ekki lækkað eins mikið í prósentustigum milli mánaða síðan 2009. Neysluverðsvísitalan stóð nánast í stað í júlí. Dósent í hagfræði segir gott að húsnæðisliður hafi lækkað og telur að Seðlabankinn hækki ekki stýrivexti í ágúst.

Úkraínumenn eru byrjaðir að beita klasasprengjum gegn Rússlandsher og segja þær gefa góða raun til að brjóta varnir þeirra á bak aftur.

Dæmi eru um að yfir 700 manns sæki um eina leiguíbúð. Forsvarsmaður stærsta leiguvefs landsins segir eftirspurnina ætla að slá öll met í sumar og telur bætta skráningu leigusamninga geta hamið verðhækkanir.

Hundrað og tuttugu tilkynningar bárust vegna nórósmits á Hamborgarafabrikkunni. Sóttvarnalæknir segir málinu lokið af sinni hálfu.

Jarðskjálftahrina hófst við Skjaldbreið um miðjan mánuðinn. Rúmlega 200 skjálftar hafa mælst, sá stærsti þrír að stærð í gær.

Tryggingar og ráðgjöf, umboðsaðili slóvakíska tryggingafélagsins Novis, var dæmt til að greiða tryggingataka skaðabætur fyrir að brjóta margvíslega á réttindum hans. Formaður neytendasamtakanna segir fjölda mála vegna Novis hafa komið inn á borð til þeirra síðustu ár.

Fjöldi bæjarhátíða eru um helgina. Í Ögri við Ísafjarðardjúp verða eldaðir sextíu lítrar af rabbarbaragraut fyrir svanga gesti Ögurhátíðar.

Frumflutt

21. júlí 2023

Aðgengilegt til

20. júlí 2024

• 00:01:41 Verðbólga minnkar
• 00:04:36 Úkraínumenn komnir með klasasprengjur
• 00:06:19 Pútín segir gagnsókn engu skila
• 00:06:43 Bætt skráning geti hamið verðhækkanir á leiguhúsnæ
• 00:09:12 Nóróveira
• 00:10:55 Staðan við gosstöðvarnar
• 00:13:05 Söluaðili Novis brotið á neytendum
• 00:15:24 Jarðskjálftahrina við Skjaldbreið
• 00:16:29 Ljónynjan reyndist vera villisvín
• 00:16:48 Bæjarhátíðir um helgina
• 00:18:47 Íþróttir
• 00:20:52 Veður
• 00:21:05 Seinni helst

Útvarpsfréttir.