Umhverfisstofnun hefur sektað Costco um 20 milljónir króna vegna olíuleka frá bensínstöð félagsins. Þetta ein hæsta sekt sem stofnunin hefur beitt. Lögfræðingur segir að afleiðingarnar hefðu getað orðið mjög miklar.
Enn vantar fjölda grunnskólakennara til starfa, en skólastarf er hafið. Formaður Félags grunnskólakennara telur að verr gangi að fá kennara en áður. Hlutfall leiðbeinenda án kennsluréttinda hefur hækkað.
Framkvæmdastjóri samtaka sveitarfélaga á höfuðborgarsvæðinu er ósammála því að forsendur samgöngusáttmálans séu brostnar; byggja þurfi upp samgöngur á höfuðborgarsvæðinu.
Stjórnarandstaðan í Eistlandi krefst afsagnar Kaju Kallas forsætisráðherra vegna viðskiptatengsla fyrirtækis eiginmanns hennar við Rússland.
Sextugur karlmaður í Svíþjóð hefur verið ákærður fyrir að útvega hermálayfirvöldum í Rússlandi ýmsa tæknihluti. Hann gæti átt yfir höfði sér fjögurra ára fangelsi.
Það er fáheyrt að samstarfsflokkar í ríkisstjórn vinni beinlínis hver gegn öðrum, segir prófessor í stjórnmálafræði; í raun séu þrjár ríkisstjórnir í landinu.
Stjórn spænska knattspyrnusambandsins ræðir framtíð forseta sambandsins í dag. Móðir hans læsti sig inni í kirkju í morgun og ætlar að svelta sig þar til árásum á son hennar linnir.
Þjálfari Víkinga segist aldrei á sínum ferli hafa séð annað eins og í aðdraganda leiksins við Breiðablik í gærkvöld, þegar Blikar ákváðu að mæta seint á staðinn.