Hádegisfréttir

Hádegisfréttir 16. maí 2023

Tugir evrópskra þjóðarleiðtoga eru komnir hingað til lands til að taka þátt í leiðtogafundi Evrópuráðsins í Hörpu, í dag og á morgun. Ólíklegt er að Volodomyr Zelensky Úkraínuforseti sé á leið til landsins. Mikil öryggisgæsla er í miðborg Reykjavíkur og bílalestir þjóðarleiðtoganna setja töluverðan svip á líf íbúa höfuðborgarsvæðisins í dag.

Fjölmargar netárásir hafa verið gerðar á íslensku stjórnsýsluna í morgun. Rússneskur hópur, NoName057, segist vera á bak við árásirnar.

Rússar segjast hafa hæft vopna- og hergagnageymslur í loftárásum í nótt. Sérstakur erindreki Kínverja verður næstu tvo daga í Úkraínu að kynna friðaráætlun sína fyrir Úkraínumönnum.

Atkvæðagreiðsla um stærri verkföll í kjarabaráttu BSRB hófst í dag. Allsherjarverkfall er þó ekki tímabært, segir framkvæmdastjóri BSRB. Enginn fundur hefur verið boðaður milli deilenda.

Forstjóri Lyfjastofnunar segir óeðlilegt að almennt starfsfólk apóteka geti flett fólki upp í lyfjagátt. Einungis heilbrigðisstarfsólk eigi að hafa upplýsingar um lyfjasögu og óútleyst lyf.

Annað árið í röð mætast Valur og Tindastóll í hreinum úrslitaleik um Íslandsmeistaratitil karla í körfubolta. Valur vann fjórða leikinn í einvígi liðanna á Sauðárkróki í gærkvöld.

Frumflutt

16. maí 2023

Aðgengilegt til

15. maí 2024

• 00:01:36 Leiðtogafundurinn í Hörpu
• 00:04:03 CERT-IS
• 00:07:14 Bílalestir og umferð
• 00:10:45 Tvíhliða viðræður Katrínar
• 00:11:13 Staðan í Úkraínu
• 00:13:15 Óeðlilegar uppflettingar í Lyfjagátt
• 00:15:01 Flugvél frá Póllandi að lenda rétt í þessu
• 00:16:07 Verkfall BSRB
• 00:17:51 Garðar Cortes látinn
• 00:19:47 Íþróttir
• 00:21:49 Veður
• 00:21:59 Seinni helst

Útvarpsfréttir.