Dregið hefur úr jarðskjálftavirkni á Reykjanesskaga. Náttúruvársérfræðingar Veðurstofunnar eru í viðbragðsstöðu en í fyrri hrinum hefur minnkuð virkni reynst fyrirboði eldgosa. Virknin er þó óeðlilega mikil og tveir skjálftar um fjórir að stærð hafa raskað ró fólks suðvestanlands í morgun.
Jarðfræðingur segir mjög varhugavert að ferðamenn fái að ganga óhindrað nærri Fagradalsfjalli. Fólk geti orðið innlyksa ef byrji að gjósa. Ferðamálastjóri er sammála því mati almannavarna að ekki sé þörf á að loka svæðinu fyrir ferðamönnum. Tæplega 700 ferðamenn lögðu leið sína að hrauninu við Fagradalsfjall í gær.
Tugir hafa verið handtekin í mótmælum í Ísrael eftir að lögreglustjóri í Tel Aviv sagði upp störfum í gærkvöld. Hann segir ráðherra hafa þrýst á sig að beita óhóflegu valdi í mótmælum gegn ríkisstjórninni.
Leiðtogi Wagner-hersins rússneska er í Rússlandi en ekki í Belarús, samkvæmt yfirlýsingum forseta Belarús í morgun. Rússneskur ríkisfjölmiðill segir rannsókn á uppreisn Wagner-liða enn í fullum gangi.
Ekkert lát virðist á snjónum í Snæfelli. Ferðamenn hætta við ferðir þangað inneftir og snjórinn tefur vinnu jarðvísindamanna
Líkur fara minnkandi á að heitt vatn verði leitt um fyrirhuguð Fjarðarheiðargöng til Seyðisfjarðar í náinni framtíð. Starfshópur telur réttast að hita hús þar með miðlægri varmadælu