Utanríkisráðuneytið hyggst loka sendiráði Íslands í Moskvu. Sendiherra Rússlands á Íslandi hefur verið tilkynnt að hann sé ekki velkomin hér á landi og sendiráðinu gert að minnka umsvif sín.
Formaður efnahags- og viðskiptanefndar Alþingis segir að hagsmunir bænda hafi ráðið miklu um þá ákvörðun nefndarinnar að framlengja ekki ákvæði um tollfrjálsan innflutning á landbúnaðarvörum frá Úkraínu. Fjármálaráðherra vildi halda tollfrelsinu, innviðaráðherra er á öndverðri skoðun.
Héraðssaksóknari hefur gefið út nýja ákæru í hryðjuverkamálinu svokallaða. Embættið telur sig hafa bætt úr þeim göllum sem héraðsdómur og Landsréttur töldu vera á fyrri ákærunni.
Bjarni Benediktsson formaður Sjálfstæðisflokksins segir styttast í að Guðrún Hafsteinsdóttir verði ráðherra. Hún segist ekkert hafa heyrt frá formanninum.
Forseti Úkraínu gagnrýnir aðgerðaleysi alþjóðlegra hjálparsamtaka eftir að Kakhovka-stíflan var sprengd. Hundruð þúsunda hafi ekki aðgang að drykkjarvatni.
Hafrannsóknastofnun leggur til lítils háttar aukningu á þorskveiðum á næsta fiskveiðiári, en hátt í fjórðungs aukningu fyrir ýsu. Veiðiráðgjöf stofnunarinnar var kynnt í morgun.
Bandaríska dómsmálaráðuneytið hefur gefið út ákæru á hendur Donald Trump, fyrrverandi Bandaríkjaforseta. Þetta er í fyrsta sinn sem slík kæra er gefin út á hendur forseta.
Fyrirtæki sem hugðist rannsaka möguleika á að nýta blóðvatn frá laxasláturhúsum gagnrýnir að Umhverfissjóður sjókvíaeldis sé notaður til að fjármagna lögbundin hlutverk Hafrannsóknastofnunar. Þrjár umsóknir frá HAFRÓ þurrkuðu upp sjóðinn í ár, hátt í 200 milljónir.