Áfrýjunardómstóll í Svíþjóð dæmdi í dag Paolo Macchiarini í tveggja og hálfs árs fangelsi fyrir að valda þremur sjúklingum alvarlegum skaða með plastbarkaígræðslu á karólínska sjúkrahúsinu í Stokkhólmi. Hann hafði fengið skilorðsbundinn dóm í héraði.
Formaður atvinnuveganefndar segir mikilvægt að matvælaráðherra komi á fund hennar hið fyrsta til að skýra tímabundið bann við hvalveiðum. Hann segir ákvörðun um bann bratta og hafa komið á óvart.
Húsaleiga hækkar og mikil eftirspurn er eftir íbúðum. Leigjandi segir að samkeppni sé mikil og algengt að engin svör fáist frá leigusölum.
Hjúkrunarfræðingurinn sem ákærður var fyrir manndráp var sýknaður í Héraðsdómi í dag. Verjandinn vonar að ákæruvaldið láti staðar numið.
Fjörutíu prósent þeirra sem taka afstöðu eru fylgjandi því að borgaralaun verði tekin upp á hér á landi. Yngra fólk er töluvert hlynntara hugmyndinni en þeir sem eldri eru.
Björgunarsveitir leita enn að kafbátnum Titan á Norður-Atlantshafi. Talið er að súrefnisbirgðir fimmmenninganna um borð klárist í fyrramálið. Hljóð greindust neðansjávar á leitarsvæðinu í nótt.