Lækka á launakostnað ríkisins um fimm milljarða króna til að koma böndum á hallarekstur ríkissjóðs. Búist er við mun betri afkomu ríkissjóðs í ár en spáð var, og munar um það bil rekstri Landspítala í heilt ár.
Þrátt fyrir fjórtán stýrivaxtahækkanir í röð hefur umsóknum hjá Umboðsmanni skuldara ekki fjölgað. Formaður Eflingar segir hækkanirnar svívirðilegar.
Dönsk stjórnvöld hyggjast banna fólki að brenna trúarrit á almannafæri. Kóraninn hefur margoft verið brenndur í Danmörku og Svíþjóð undanfarið.
Tugir hafa verið handteknir í Grikklandi fyrir íkveikjur. Minnst 20 hafa látist í gróðureldum í vikunni. Ráðherra Almannavarna segir að brennuvargarnir fái ekki að komast upp með þetta.
Bændur sem urðu að skera fé vegna riðu í vor hafa ekki enn fengið tjónið bætt frá ríkinu. Rúmir tveir mánuðir eru síðan greiða átti þeim bætur.
Donald Trump segir réttlætið hafa verið svívirt þegar hann varð fyrsti fyrrverandi forseti í sögu Bandaríkjanna sem tekin er af fangamynd. Trump er ákærður fyrir að reyna að hagræða úrslitum síðustu forsetakosninga.
Hreppsnefnd Árneshrepps hefur lýst yfir áhuga á sameiningu við nágrannasveitarfélög. Áhuginn er ekki gagnkvæmur.
Luis Rubiales, forseti Spænska knattspyrnusambandsins, ætlar ekki að segja af sér. Hann segir allt of mikið gert úr kossi í einlægum fögnuði á verðlaunahátíðinni á HM kvenna í fótbolta.