Hádegisfréttir

Hádegisfréttir 01. Júní 2023

Áhrif mun minni hækkunar fasteignamats á atvinnuhúsnæði en sem nemur verðbólgu er högg fyrir sveitarfélögin. Þetta segir aðalhagfræðingur sambands sveitarfélaga.

Fulltrúar BSRB og samninganefnda sveitarfélaganna hittast hjá ríkissáttasemjara klukkan eitt, en síðasti fundur stóð fram á nótt. Verkföll í ellefu sveitarfélögum halda áfram í dag.

Lögreglan á Suðurlandi fer fram á áframhaldandi gæsluvarðhald yfir karlmanni sem er grunaður um að hafa orðið ungri konu að bana á Selfossi í apríl.

Friður er ekki í augsýn í Súdan eftir að leiðtogi hersins sagði sig frá samkomulagi um vopnahlé. Tuttugu og sex börn létust vegna matarskorts á barnaheimili um helgina.

Maí var blautur og grár í höfuðborginni. Sólskinsstundir hafa aldrei verið færri og aðeins tvisvar hefur rignt meira í mánuðinum.

Níu flugmenn höfða mál gegn flugfélaginu Bláfugli vegna ólöglegrar uppsagnar í miðjum kjaraviðræðum.

Ferðamönnum við Jökulsárlón fjölgaði mikið milli ára í vor og framan af sumri. Gjaldtaka átti að hefjast við lónið í dag en frestast í nokkra daga vegna tafa við framkvæmdir.

Frumniðurstöður svefnrannsóknar sem kannar kæfisvefn meðal barna á aldrinum fjögurra til átta ára sýnir að tæpur þriðjungur þátttakenda þjáist af kæfisvefni.

ÍBV varð í gærkvöld Íslandsmeistari karla í handbolta eftir sigur á Haukum í oddaleik. Þjálfari ÍBV er feginn að tímabilinu sé lokið, nú komist hann vonandi í golf.

Frumflutt

1. júní 2023

Aðgengilegt til

31. maí 2024

• 00:01:53 Fasteignamat fjárhagslegt högg f.sveitarfélögin
• 00:03:44 BSRB
• 00:05:18 Vilja lengra gæsluvarðhald á Selfossi
• 00:05:54 Skelfilegt ástand í Súdan
• 00:07:35 Blíða fyrir austan
• 00:08:38 Sólskinsstundir í maí
• 00:10:18 Gjaldtaka við Jökulsárlón
• 00:12:10 Bláfugl
• 00:13:19 Ástralskur hermaður tapar meiðyrðamáli
• 00:15:01 Kæfisvefn meðal barna
• 00:16:21 Konunglegt brúðkaup í Jórdaníu
• 00:18:09 Íþróttir
• 00:20:21 Veður
• 00:20:41 Seinni helst

Útvarpsfréttir.