Stýrivextir eru komnir upp í 8,75 prósent eftir að Seðlabanki Íslands hækkaði vexti í morgun umfram spár. Seðlabankastjóri beinir spjótum sínum að verkalýðsforystunni og segir hana verða að sýna ábyrgð.
Formaður VR segir að seðlabankastjóri þurfi að axla ábyrgð á eigin hagstjórnarmistökum í stað þess að skella skuldinni á verkalýðshreyfinguna.
Bílar hafa fokið út af í Öræfasveit í morgun og hringvegurinn þar lokaður. Gular viðvaranir eru í gildi vegna suðvestan hvassviðris sem gengur yfir landið.
Ron DeSantis, ríkisstjóri Flórída, tilkynnir um framboð til forseta Bandaríkjanna í beinni útsendingu á Twitter í kvöld. DeSantis þykir einna líklegastur til að veita Donaldi Trump samkeppni í forvali Repúblikana.
Það vantar sterkari verkstjórn til að fylgja eftir árangri af styttingu vinnuvikunnar, segir fjármálaráðherra. Í henni hafi falist ein stærsta breyting á íslenskum vinnumarkaði um áratugaskeið.
Þýska lögreglan gerði í morgun húsleit á fimmtán stöðum sem tengjast samtökum loftslagsaðgerðasinna vegna gruns um að þau styðji við glæpasamtök. Samtökin hafa vakið athygli fyrir götulokanir og aðrar róttækar aðgerðir víða um Þýskalandi.
Ef þú ferð í apótek til að kaupa snúð eða vínarbrauð, ertu ekki einn um það. Um þrír af hverjum tíu landsmönnum ruglast á orðunum bakarí og apótek. Ruglingurinn virðist bæði kynbundinn og mjög ólíkur eftir stjórnmálaskoðunum fólks.
Flest bendir til þess að Snorri Steinn Guðjónsson verði næsti landsliðsþjálfari íslenska karlalandsliðsins í handbolta. HSÍ hefur þó ekki staðfest ráðninguna.