Hádegisfréttir

Hádegisfréttir 25. maí 2023

Fjármálaráðherra segir að ríkisfjármálunum verði beitt á næsta og þarnæsta ári til að draga úr verðbólgu. Bætur almannatrygginga hækka um mitt ár en að öðru leyti sé aðgerða ekki að vænta, umfram það sem kynnt hefur verið.

Beint flug milli Akureyrar og Lundúna hefst í haust, opnað var fyrir sölu flugsæta í morgun. Flugið verður á vegum breska flugfélagsins Easy Jet sem bindur vonir við vinsældir Íslands meðal Breta.

Útsvarsgreiðslur eldra fólks til sveitarfélaganna hafa fimmfaldast á síðustu fimmtán árum, samkvæmt greiningu KPMG. Heilbrigðisráðherra segir þetta kollvarpa lífseigri mýtu um að eldra fólk sé fjárhagsleg byrði á samfélaginu.

Jarðgangaleið undir Fjarðarheiði hefði nýst jafn vel og aðrir kostir til að koma björgunarsveitum frá Egilsstöðum til Neskaupstaðar eftir snjóflóðin þar fyrir tveimur mánuðum. Forseti sveitarstjórnar Múlaþings furðar sig á að almannavarnir tali gegn Fjarðarheiðargöngum áður en rýnifundur um aðgerðirnar hefur verið haldinn.

Mette Frederiksen, forsætisráðherra Danmerkur vísar á bug fregnum um að hún komi til greina sem næsti framkvæmdastjóri Atlantshafsbandalagsins. Leit stendur yfir að næsta leiðtoga NATO, því Jens Stoltenberg, núverandi framkvæmdastjóri segist harðákveðinn í að hætta í haust.

Ríkislögreglustjóri hefur siðareglur lögreglu og verklagsreglur við leit að týndu fólki til endurskoðunar, eftir kvörtun frá móður ungrar konu sem týndist í janúar 2017 og fannst myrt nokkrum dögum síðar.

Niðurstöður riðusýnatöku úr fé af Urriðaá í Miðfirði benda til að útbreiðsla riðuveiki í Miðfjarðarhólfi sé ekki mikil. Hingað til hafa engin riðusýni af bænum sýnt fram á smit í hjörðinni.

Frumflutt

25. maí 2023

Aðgengilegt til

24. maí 2024

• 00:01:58 Fjármálaráðherra um vaxtahækkun
• 00:03:25 Easy Jet hefur áætlunarflug til Akureyrar
• 00:05:06 Wagner herinn dregur sig frá Bakhmut
• 00:05:37 Minnisblað ótímabært fyrir rýnifund
• 00:08:03 Útsvarsgreiðslur eldra fólks fimmfaldast
• 00:08:47 MAST um riðu í Miðfirði
• 00:10:40 Hafa náð stjórn á eldinum í Sydney
• 00:11:11 Mette ætlar ekki í NATO
• 00:13:03 Aðalmeðferð í máli Steinu
• 00:13:37 Ríkislögreglustjóri bregst við vegna álits
• 00:15:15 Grænlendingar ósáttir við sendiherra Norðurslóða
• 00:16:52 Líklegt að Hofsjökull rýrni mikið í sumar
• 00:18:27 Íþróttir
• 00:20:15 Veður
• 00:20:37 Seinni helst

Útvarpsfréttir.