Hádegisfréttir

Hádegisfréttir 22. júní 2023

Umhverfisráðherra tekur undir með loftslagsráði að stefna stjórnvalda þurfi að vera skýrari ætli Ísland að ná markmiðum sínum í loftslagsmálum. Hann segir brýnt að virkja meira. Samstarf við atvinnulífið sé lykilatriði.

Nýjar rannsóknir á riðuveiki í sauðfé hafa leitt í ljós fleiri arfgerðir sem veita mótstöðu gegn riðu en áður var vitað. Eftir sauðburð í vor eru nú til nærri eittþúsund lömb með viðurkennda arfgerð gegn riðu.

Mikil kergja er við Hvalfjörð vegna ákvörðunar matvælaráðherra að banna hvalveiðar. Ráðherra hefur boðað komu sína á íbúafund á Akranesi í kvöld.

Aukinn kraftur hefur verið settur í leitina að kafbátnum Titan úti fyrir Nýfundnalandi. Fjórir dagar eru síðan hann týndist með fimm manns innanborðs og súrefnisbirgðir bátsins eru líklega á þrotum.

Framkvæmdastjóri Sjúkrahússins á Akureyri segir að löng bið eftir greiningu á kæfisvefni eigi eftir að lengjast, því ekki fáist fjármagn frá Sjúkratryggingum til að halda rannsóknum áfram á Akureyri.

Eldri borgarar á Egilsstöðum og fólk komið af léttasta skeiði ákvað að finna sína eigin lausn á húsnæðisskorti í bænum. Hópurinn stofnaði byggingarfélag og í dag verður tekin fyrsta skóflustunga að stærðar blokk, með 24 íbúðum.

Frumflutt

22. júní 2023

Aðgengilegt til

21. júní 2024

• 00:01:27 Guðlaugur Þór um skýrslu Loftslagsráðs
• 00:03:16 Niðurstöður úr rannsóknum á riðu
• 00:05:28 Lagaleg staða hvalveiðibanns
• 00:07:20 Áfram leitað að kafbátnum
• 00:09:38 Stýrivaxtahækkanir
• 00:10:29 Stöðva greiningar á kæfisvefni
• 00:12:00 Umræður á Írlandi um þjóðaröryggisstefnu
• 00:13:43 Eldri borgarar byggja sér blokk
• 00:16:03 Egypti handtekinn í Bretlandi fyrir smygl
• 00:16:24 Veðurspá fyrir íþróttaamót helgarinnar
• 00:17:44 Íþróttir
• 00:20:01 Veður
• 00:20:37 Seinni helst

Útvarpsfréttir.