Reglugerð um blóðmerahald brýtur í bága við tilskipun Evrópska efnahagssvæðisins að mati ESA, eftirlitsstofnunar EFTA, sem sendi íslenskum stjórnvöldum formlega áminningu í morgun.
Kópavogsbær ætlar að rifta samningi við ítalskt verktakafyrirtæki um uppbyggingu Kársnesskóla, stærstu fjárfestingu bæjarins. Bæjarstjóri segist ekki láta bjóða sér upp á vinnubrögð verktakans.
Repúblikanar eru fáorðir um dóminn yfir Donald Trump sem í gær var dæmdur til að greiða fimm milljónir dala í bætur - fyrir ærumeiðingar og kynferðisbrot.
Umhverfisráðherra hyggst endurskoða skattkerfið í kringum virkjanir til að sveitarfélög fái af þeim auknar tekjur. Væri það eins og í Noregi fengju þau margfalt meira.
Láglaunahópar urðu verst úti í uppsögnum hjá Árborg í síðasta mánuði segir formaður stéttarfélagsins Bárunnar. Hún skorar á sveitarfélagið að draga uppsagnir til baka.
Mörg dæmi eru um að fatlað fólk bíði eftir húsnæði frá sveitarfélögum í áraraðir og fái litlar sem engar upplýsingar um stöðu sína. Þroskahjálp segir að óvissan sé þungbær.
Fuglaflensa hefur greinst á landinu á ný. Matvælastofnun rannsakar hugsanlega útbreiðslu, en tilkynningum um veika og dauða fugla hefur fjölgað.
KA varð í gærkvöldi Íslandsmeistari karla í blaki í sjöunda sinn. Þá jafnaði Valur metin gegn Tindastóli í úrslitaeinvígi úrvalsdeildar karla í körfubolta.
