Hádegisfréttir

Hádegisfréttir 07. júní 2023

Sameinuðu þjóðirnar telja að eyðilegging Kakhovka-stíflunnar sé mögulega mesta tjónið á borgaralegum innviðum í Úkraínu frá innrás Rússa. Þorp og bæir eru umflotnir og hundruð þúsunda eru inlyksa án neysluvatns.

Fjármálastöðugleikanefnd hvetur lánastofnanir til að skoða lánstíma og hugsanlega taka upp jafngreiðsluskilmála hjá þeim sem gætu lent í erfiðleikum með afborganir. Það þýddi fjölgun verðtryggðra lána.

Þingsályktunartillaga forsætisráðherra um hatursorðræðu og frumvarp utanríkisráðherra um bókun 35 verða ekki afgreidd á yfirstandandi þingi. Þetta varð ljóst eftir að samið var í gær um þinglok.

Foreldrar leikskólabarna komu saman í morgun og hvöttu BSRB og sveitarfélögin til að ná samningum í kjaradeilu sinni. Mikið ber í milli og aðstoðarríkissáttasemjari telur ekkert tilefni til fundar.

Kostnaður ríkisins af makríldómnum hækkar bara ef ákveðið verður að áfrýja niðurstöðunni, segir framkvæmdastjóri Vinnslustöðvarinnar.

Líklegt er að hafís norðan Hornstranda færist nær landi næstu daga. Þeir sem stunda fiskeldi inni í fjörðum eru hvattir til að fylgjast vel með.

Rostungur spókaði sig við Hafnarfjarðarhöfn í morgun. Sjávarlíffræðingur segir óvenjulegt að rostungar komi nærri mannabyggðum og man ekki til þess að þeir hafi áður látið sjá sig á höfuðborgarsvæðinu.

Frumflutt

7. júní 2023

Aðgengilegt til

6. júní 2024

• 00:01:36 Framhald á stíflusprengjuna
• 00:04:00 Seðlabankastjóri um aðgerðir stjórnvalda
• 00:06:04 Alþingi
• 00:08:08 Verkföllum mótmælt
• 00:10:05 Framkvæmdastjóri Vinnslustöðvarinnar
• 00:11:32 Jarðskjálfti á Haítí
• 00:12:01 Hafís
• 00:13:24 Chris Christie býður sig fram
• 00:14:11 Árni Johnsen látinn
• 00:16:25 Frans Páfi í aðgerð
• 00:16:54 Rostungur
• 00:18:17 Íþróttir
• 00:20:18 Veður
• 00:20:38 Seinni helst

Útvarpsfréttir.