Hádegisfréttir

Hádegisfréttir 29. ágúst 2023

Matvælaráðherra segir að ekki liggi fyrir hvort tímabundið bann við hvalveiðum, sem rennur út í vikunni, verður framlengt. Tillögum og úrbótum um hvalveiðar var skilað til ráðherra í gær. Varaformaður Sjálfstæðisflokksins segir ótímabært að tjá sig um mögulega tillögu um vantraust á Svandísi.

Hlaup er hafið í Skaftá og almannavarnir hafa lýst yfir óvissustigi. Hratt vex í ánni, segir bóndi í Skaftártungu. Kýrnar séu komnar að vatninu og finni sjálfsagt brennisteinslykt.

Áfangaskýrsla Auðlindarinnar okkar um sjálfbæran sjávarútveg er kynnt í hádeginu.

Rússneska ríkið braut á pönksveitinni Pussy Riot, sem ráðist var á í borginni Sotsíj 2014 með svipuhöggum og piparúða. Þetta úrskurðaði Mannréttindadómstóll Evrópu í morgun.

Til greina kemur að Ofanflóðasjóður verji atvinnuhúnæði, auk íbúðarhúsnæðis. Gagnrýnt hefur verið að sjóðurinn beri engar skyldur gagnvart fyrirtækjum sem þó greiða í sjóðinn.

Bilun í netkerfi flugumferðarstjórnar Bretlands í gær hefur sett ferðalög þúsunda úr skorðum. Búist er við áframhaldandi röskun í dag þó að kerfið sé komið í lag.

Frumflutt

29. ágúst 2023

Aðgengilegt til

28. ágúst 2024

• 00:01:34 Ríkisstjórnin og hvalveiðar
• 00:03:39 Skaftárhlaup hafið
• 00:07:30 Auðlindin okkar
• 00:09:28 Pussy Riot höfðu betur í Strassborg
• 00:11:21 Atvinnuhúsnæði líka varið fyrir skriðum
• 00:13:08 Enn tafir á Heathrow
• 00:14:30 Pósthúsum lokað 1. september
• 00:16:13 Þráðormur fannst í heila konu
• 00:17:38 Eminem vill að Ramaswamy noti ekki lög
• 00:18:37 Íþróttir

Útvarpsfréttir.