Hádegisfréttir

Hádegisfréttir 20. júní 2023

Matvælaráðherra hefur stöðvað hvalveiðar fram til 31. ágúst, þær áttu að byrja á morgun.

Draga á verulega úr neyslu á rauðu kjöti og öðrum dýraafurðum samkvæmt norrænu næringaráðleggingunum. Jurtafæði er besti kosturinn bæði af heilsufarslegum og umhverfislegum ástæðum.

Formaður Sjálfstæðisflokksins segir kjördæmin of stór og hann vill fjölga þeim á ný. Þingmenn og ráðherrar verði að vera í nánara sambandi við fólkið í landinu.

Skoðunarkafbáts á leið að flaki Titanic er enn saknað og björgunaraðgerðir í fullum gangi. Fimm eru um borð en talið að súrefnisbirgðir dugi enn í þrjá daga.

Landeigendur við Stuðlagil áætla að ferðamannafjöldi þar fimmfaldist á næstu árum. Bregðast þurfi við með miklum innviðaframkvæmdum til að tryggja að fólk hrapi ekki í gilið og að landið verði ekki eitt drullusvað.

Stuttur lúr á hverjum degi er margra meina bót og getur dregið úr hrörnun heilans samkvæmt nýrri breskri rannsókn.

Íslenska karlalandsliðið í fótbolta mætir því portúgalska á Laugardalsvelli í kvöld í undankeppni EM 2024. Cristiano Ronaldo er í portúgalska hópnum og spilar því að öllum líkindum sinn 200. landsleik.

Frumflutt

20. júní 2023

Aðgengilegt til

19. júní 2024

• 00:00:00 Hitamet í Atlantshafi
• 00:01:28 Hvalveiðar stöðvaðar
• 00:04:56 Guðmundur Ingi og stjórnarsamstarf
• 00:06:05 Norrænar næringarráðleggingar birtar
• 00:08:24 OECD skýrslan
• 00:09:06 Fjármálaráðherra vill fjölga kjördæmum aftur
• 00:10:39 Skoðunarkafbáts enn leitað í Atlantshafi
• 00:12:31 Spá hálfri milljón ferðamanna í Stuðlagili
• 00:14:42 Lúrar góðir fyrir heilann
• 00:16:09 Veiðar hjá Reykvíkingi ársins
• 00:18:15 Íþróttir

Útvarpsfréttir.