Volodomyr Zelensky, forseti Úkraínu, hittir forsætisráðherra Norðurlanda í Helsinki í dag. Katrín Jakobsdóttir situr ráðherrafundinn og á fund með Zelensky síðdegis.
Fjárhagsstaða og andleg heilsa einstæðra foreldra kemur verst út í nýrri vinnumarkaðskönnunar Vörðunnar, rannsóknarseturs ASÍ og BSRB. Tæplega helmingur vinnandi fólks á erfitt með að ná endum saman.
Framkvæmdastjóri Isavia ANS segir samnýtingu á flugrekstri með Landhelgisgæslunni mögulegan, en Sif sé ekki rétta vélin í sameiginleg verkefni.
Örvunarbóluefni gegn barnaveiki, kíghósta, mænusótt og stífkrampa er ófáanlegt um allan heim. Lítil hætta er talin á að þessir sjúkdómar brjótist út hér á landi.
Flugmenn segja ókyrrð í aðflugi Reykjavíkurflugvallar hafa aukist með tilkomu svokallaðs Valshverfis. Hún muni aukast enn frekar og verða í fleiri vindáttum fái ný byggð að rísa í Skerjafirði.
Hagfræðingur Alþýðusambandsins segir að fjármálaáætlun ríkisstjórnarinnar vinni ekki nægilega vel gegn þenslu og verðbólgu og taki ekki á þeim vanda sem er á húsnæðismarkaði.
Framkvæmdastjóri Landverndar gagnrýnir einkaþotuhersingu sem búist er við í tengslum við fyrirhugaðan leiðtogafund Evrópuráðsins í Reykjavík.
Ísland fellur um þrjú sæti á lista Blaðamanna án landamæra yfir fjölmiðlafrelsi í heiminum.
Skurður vegna riðu í Miðfirði kemur niður á kjötframleiðslu sem hefur dregist saman innanlands síðustu ár.