Hádegisfréttir

Hádegisfréttir 17. maí 2023

Leiðtogar ríkja Evrópuráðsins hafa setið á fundum í Hörpu síðan í morgun þar sem málefnastarf er á dagskrá. Þessum síðari fundardegi leiðtoganna lýkur með fréttamannafundi síðdegs.

Forsætisráðherra segist skynja mikla samstöðu með Úkraínu. Nær allir leiðtogar á fundinum hafa skrifað undir viljayfirlýsingu um tjónaskrá vegna innrásar Rússa í Úkraínu. Skráin er hryggjarstykkið í væntanlegri niðurstöðu fundarins. Prófessor í stjórnmálafræði segir að Íslendingar geti verið stoltir af skipulagningunni.

Upplýsingarvefur ISAVIA lá niðri í morgun vegna netárása hóps sem er hliðhollur Rússum. Forstöðumaður netöryggissveitar segir að enginn raunverulegur skaði hafi hlotist af.

Götulokanir við Hörpu og í miðborg Reykjavíkur eru enn í gildi. Þar er enn mikil öryggisgæsla og fátt fólk á ferli. Vopnaleit sem tekin var upp í innanlandsflugi hefur gengið vel.

Verkfallsaðgerðum félagsmanna BSRB er lokið í bili en ekkert þokast í samningaviðræðum. Víðtækari aðgerðir hefjast í næstu viku, náist ekki að semja.

Þrjú sveitarfélög skora á matvælaráðherra að breyta strandveiðikerfinu. Núverandi fyrirkomulag mismuni sjómönnum eftir búsetu.

Nepalskur fjallgöngumaður kleif Everest-fjall í 27. skiptið í dag og endurheimti þar heimsmet sitt í ferðum upp fjallið.

Það ræðst í kvöld og á morgun hvaða lið fylgja Þór frá Akureyri í 8-liða úrslit bikarkeppni karla í fótbolta.

Frumflutt

17. maí 2023

Aðgengilegt til

16. maí 2024

• 00:01:46 Leiðtogafundur í Hörpu
• 00:03:58 Leiðtogar og tjónaskýrslan
• 00:06:10 Árangur leiðtogafundarins að mati Eiríks
• 00:07:52 Umferð og lokanir
• 00:10:12 Netöryggi
• 00:11:21 Vonar að vopnaleit verði ekki venjan
• 00:13:01 Minna á aukafréttatíma
• 00:13:20 Ekkert þokast í samningaviðræðum
• 00:14:56 Skora á ráðherra vegna strandveiða
• 00:16:43 Met í fjölda klifurs upp á Everest
• 00:18:12 Íþróttir
• 00:20:34 Veður
• 00:20:57 Seinni helst

Útvarpsfréttir.