Hádegisfréttir

Hádegisfréttir 05. júní 2023

Víðtæk og ótímabundin verkföll félagsmanna BSRB í tuttugu og níu sveitarfélögum hófust í morgun. Um tvöþúsund og fimmhundruð lögðu niður störf í leikskólum, sundlaugum, höfnum, bæjarskrifstofum og víðar. Sáttasemjari er svartsýnn á að deilan leysist í bráð.

Foreldrar sem fréttastofa talaði við í morgun sögðu verkfallið hafa heilmikil àhrif á daglegt líf, þetta væri púsluspil og gengi ekki lengi svona.

Ríkisstjórnin kom saman til aukafundar í morgun til að ræða aðgerðir gegn verðbólgu. Ekki liggur fyrir hvenær þær verða kynntar. Formenn flokka á þingi funduðu með forsætisráðherra um fyrirhugaðar launahækkanir æðstu ráðamanna.

Lögmaður Gráa hersins reiknar með að skerðingar Lífeyrissjóðs starfsmanna ríkisins rati fyrir dómstóla. Staðan sé fyrirsjáanleg enda miklar fjárhæðir í húfi.

Belgísk stjórnvöld rannsaka hvort vopn sem Belgar sendu Úkraínumönnum hafi verið notuð í bardögum innan landamæra Rússlands. Rússar segjast hafa drepið á þriðja hundrað hermenn í austurhluta Úkraínu.

Borgarfulltrúi Sjálfstæðisflokksins gagnrýnir meirihluta borgarstjórnar fyrir að ætla að stytta ræðutíma á borgarstjórnarfundum. Hún segir brögðum beitt til að þagga niður í borgarfulltrúum.

Miami Heat heldur áfram að koma á óvart í NBA-deildinni í körfubolta og jafnaði í nótt metin í úrslitarimmunni gegn Denver Nuggets.

Frumflutt

5. júní 2023

Aðgengilegt til

4. júní 2024

• 00:01:36 Verkfall BSRB
• 00:03:44 Áhrifin í sveitarfélögum
• 00:07:53 Beint af leikskóla í Kópavogi
• 00:09:34 Beint frá strætó á Akureyri
• 00:11:11 Ríkisstjórnin fundar
• 00:13:15 Lífeyrissjóðsskerðingar
• 00:15:15 Ríkisstjórnin fundar - Sigurður Ingi
• 00:17:23 Úkraína
• 00:19:23 Íþróttir
• 00:21:01 Veður
• 00:21:19 Seinni helst

Útvarpsfréttir.