Þrír skjálftar yfir fjórum að stærð mældust í kröftugri jarðskjálftahrinu í Kötlu í morgun. Fluglitakóði hefur verið færður upp í gult stig.
Rúmlega 500 starfsmenn BSRB á Suður- og Suðvesturlandi samþykktu með yfirgnæfandi meirihluta að leggja niður störf síðar í þessum mánuði.
Úkraínuforseti segir nauðsynlegt að stofna sérstakan dómstól til þess að láta Rússa gjalda fyrir stríðsglæpi sína í Úkraínu. Stjórnvöld í Kreml saka Bandaríkin um að hafa skipulagt banatilræði við Vladimír Pútín í gær.
Lyf sem hægir á framvindu Alzheimer-sjúkdómsins lofar góðu, segir íslenskur öldrunarlæknir. Lyfið gæti fengið skráningu hjá Lyfjaeftirliti Bandaríkjanna í lok árs og í Evrópu um mitt næsta ár.
Gengi allra félaga í Kauphöllinni lækkaði í morgun og allar tölur rauðar. Sérfæðingur segir líklegustu skýringuna vera vonbrigði með afkomu Marel.
Veðurfyrirbærið El Ninjo gæti valdið því að meðalhiti yfirstandandi árs verði sá mesti sem mælst hefur. Áhrif El Ninjo við Ísland eru yfirleitt lítil, segir loftslagsfræðingur, nema að djúpar lægðir í Atlantshafi verða færri.
Íhaldsflokkurinn gæti tapað þúsund sætum í sveitarstjórnarkosningum í Bretlandi í dag í fyrstu kosningum frá því að Rishi Sunak varð þriðji forsætisráðherra landsins á nokkrum vikum.
Stangveiðimenn búast við betra laxveiðisumri nú en í fyrra, þegar veiðin var í minna lagi. Veiðileyfi í helstu laxveiðiám landsins eru meira og minna uppseld.