Hádegisfréttir

Hádegisfréttir 28. apríl 2023

Atkvæðagreiðsla um víðtækari verkföll BSRB, en áður hafði verið boðað, hefst í hádeginu. Kosið er um verkföll starfsfólks leik- og grunnskóla í tíu sveitarfélögum sem hefjast eiga frá miðjum maí og fram í júní.

Ekki liggur fyrir hvort farið verði fram á gæsluvarðhald yfir bræðrum á þrítugsaldri sem eru í haldi lögreglu vegna andláts konu á Selfossi í gær.

Finnbjörn Hermannsson fyrrverandi formaður Samiðnar og Byggiðnar var sjálfkjörinn í embætti forseta Alþýðusambands Íslands. Sömuleiðis var sjálfkjörið í öll embætti varaforseta sambandsins.

Rússneskt skip var myndað við Nord Stream gasleiðslunnar fjórum dögum áður en skemmdir voru unnar á þeim í september. Um borð í skipinu var kafbátur.

Seðlabankastjóri treystir á að viðskiptabankar sýni af sér samfélagslega ábyrgð og standi með viðskiptavinum í blíðu og stríðu þegar greiðslubyrði þyngist.

Framhaldsskólanemar eru ósáttir með að sameining framhaldsskóla skuli boðuð án samtals við þá og tala um sýndarmennsku af hálfu ráðherra. Enginn nemandi er í stýrihópi um eflingu framhaldskóla.

Örlagasteinninn, forsenda þess að Karl III verði krýndur konungur Skotlands, er á leið frá Edinborg til Lundúna þar sem honum verður komið fyrir undir krýningarstól konungs.

Valskonur geta tryggt sér Íslandsmeistaratitilinn í körfubolta með sigri á Keflavík í kvöld.

Frumflutt

28. apríl 2023

Aðgengilegt til

27. apríl 2024

• 00:01:40 Verkföll BSRB
• 00:03:44 Andlát á Selfossi
• 00:04:45 ASÍ þing
• 00:07:08 Rússneskt skip myndað við Borgundarhólm
• 00:08:49 Peningastefnufundur
• 00:10:13 Framhaldsskólanemar um sameiningu
• 00:11:47 Margir hissa á sameiningum á Akureyri
• 00:12:28 Stjórnarformaður BBC segir af sér
• 00:13:16 Ný stjórnarskrá Grænlands
• 00:14:48 Enn meiri kvikmyndauppbygging
• 00:16:22 Ólafur G. Einarsson látinn
• 00:18:30 Íþróttir
• 00:20:06 Veður
• 00:20:37 Seinni helst
• 06:16:48 Örlagasteinninn á leið til Lundúna

Útvarpsfréttir.