Hádegisfréttir

Hádegisfréttir 31. maí 2023

Fasteignamat hækkar um tæp tólf prósent á næsta ári. Hækkunin er mun minni en í fyrra vegna kólnunar á fasteignamarkaði um mitt ár. Fasteignamat á atvinnuhúsnæði lækkar að raunvirði því það heldur ekki í við verðbólgu.

Foreldrar leikskólabarna í Kópavogi mótmæltu við bæjarstjórnarskrifstofurnar fyrir hádegið. BSRB félagar á leikskólum í ellefu sveitarfélögum og hafnarstarfsmenn í Þorlákshöfn eru í verkfalli í dag. Boðað hefur verið til fundar hjá ríkissáttasemjara í kvöld.

Stuðningur við samning um skuldaþak Bandaríkjanna er minni en búist var við. Tíminn sem þingið hefur til að samþykkja samninginn rennur út innan skamms.

Ríkið hefur ákveðið að leita til Hæsta­rétt­ar vegna dóms um laun dómara. Héraðsdómur Reykjavíkur dæmdi ríkið brotlegt þegar það endurskoðaði launin afturvirkt.

Harðlínumenn í Rússlandi vilja hertar aðgerðir gegn Úkraínumönnum eftir drónaárás á Moskvu í gær. Rússar eru byrjaðir að flytja börn frá átakasvæðum.

Suður-Afríka ætlar að gera sérstaka undanþágu frá alþjóðlegri handtökuskipun á hendur Pútín Rússlandsforseta, ef ske kynni að hann kæmi þangað í opinbera heimsókn í ágúst.

Íslandsmeistarar í handbolta karla verða krýndir í Vestmannaeyjum í kvöld. ÍBV og Haukar mætast í hreinum úrslitaleik.

Frumflutt

31. maí 2023

Aðgengilegt til

30. maí 2024

• 00:01:35 Fasteignamat 2024
• 00:04:57 BSRB verkföll
• 00:08:24 7% hagvöxtur á fyrsta fjórðungi
• 00:09:15 Stuðningur við skuldaþakssamning stopull
• 00:11:24 Úkraína
• 00:13:19 Fjármálaráðuneytið áfrýjar
• 00:13:52 Aðgerðaáætlun í geðheilbrigðismálum
• 00:15:47 Lögreglan varar við betlurum
• 00:16:25 Suður-Afríka mýkist gagnvart Pútín
• 00:18:28 Neyðarlyf við ópíóíðum
• 00:18:52 Íþróttir
• 00:20:52 Veður
• 00:21:13 Seinni helst

Útvarpsfréttir.