Hádegisfréttir

Hádegisfréttir 10. ágúst 2023

Þrjátíu og sex hafa látið lífið í skógareldum á Havaí. Eldarnir kviknuðu í gær og hafa lagt heilu hverfin í rúst.

Enn hækkar í ám og vötnum í suðausturhluta Noregs og rauð flóðaviðvörun er í gildi í Drammen. Fjögur þúsund manns hafa verið flutt brott af flóðasvæðunum.

Alls óvíst er hvað verður um mannsalsfórnalamb sem synjað var um hæli hér á landi og hefur misst allan félagslegan stuðning. Lögmaður hennar segir óljóst hver eigi að taka við fólki sem ekki er hægt að senda úr landi. Dómsmálaráðuneytið fundaði um málefni þessa fólks í gær.

Töluvert fleiri hafa sótt um alþjóðlega vernd hér á landi það sem af er ári en í fyrra. Ekki sér fyrir endann á húsnæðisvanda umsækjendanna.

Dæmi eru um að grunnskólar vísi börnum frá eða sinni ekki menntun þeirra. Þetta kemur fram í ársskýrslu umboðsmanns barna. Umboðsmaður hefur sérstakar áhyggjur af stöðu barna með einhverfu og ADHD.

Pólverjar fjölga hermönnum við landamærin að Belarús í tíu þúsund. Stjórnvöld í Póllandi telja hættu stafa frá stjórnvöldum í Belarús sem eru nátengd Rússum.

Innviðaráðherra kveðst skilja að íbúar í nágrenni Reykjavíkurflugvallar verði fyrir óþægindum vegna stóraukinnar flugumferðar. Þó sé ekki hægt að færa flugið einfaldlega á annan stað og valda þá öðrum ónæði.

Handritshöfundar í Hollywood hafa verið í verkfalli í hundrað daga. Ekkert hefur þokast í samkomulagsátt.

Búist er við töluverðum fjölda lundapysja í Vestmannaeyjum í ár en ástandið er verra annars staðar á Suðurlandi og á Vesturlandi.

Frumflutt

10. ágúst 2023

Aðgengilegt til

9. ágúst 2024

• 00:01:48 Skógareldar á Havaí
• 00:02:59 Staðan á hamförum í Noregi
• 00:04:29 Gæti hlaupið í Hvítá
• 00:05:01 Óvissa um mál Blessing Newton
• 00:07:27 Tæplega 3000 hafa sótt um alþjóðlega vernd
• 00:09:07 Pólverjar fjölga við landamærin
• 00:10:24 Umboðsmaður barna - ársskýrsla
• 00:12:10 Sigurður Ingi og flugvöllurinn
• 00:13:28 Flutt á gjörgæslu eftir rafhlaupahjólaslys
• 00:13:52 Síbrotakona ákærð fyrir að láta greipar sópa
• 00:15:41 Lundapysjur
• 00:17:19 100 dagar síðan handritshöfundar fóru í verkfall
• 00:18:41 Íþróttir
• 00:20:38 Veður
• 00:21:00 Seinni helst

Útvarpsfréttir.