Hádegisfréttir

Hádegisfréttir 05. maí 2023

Umhverfisráðherra segir það hafa komið sér á óvart að sala upprunavottorða raforku héðan úr landi hafi verið stöðvuð í vikunni. Hann hyggst taka málið fyrir í ríkisstjórn, en grunur leikur á um að vottorð héðan hafi verið tvítalin.

Leiðtogi Wagner-skæruliðasveita Rússa sendir varnarmálaráðherra landsins og yfirmanni hersins tóninn og hótar að yfirgefa borgina Bakhmut í næstu viku vegna þess að sveitir hans séu að verða uppiskroppa með vopn.

Bráðabirgðaniðurstöður úr krufningu á ungu konunni sem lést á Selfossi í síðustu viku liggja fyrir. Lögreglan á Suðurlandi hyggst funda með fjölskyldu hennar síðar í dag.

Forseti Serbíu ætlar að herða eftirlit með skotvopnum í landinu eftir að maður skaut átta til bana í gær. Þetta er annað fjöldamorðið á jafn mörgum dögum.

Dregið hefur úr jarðskjálftavirkni við Kötlu síðan í gær. Óhætt er talið að fljúga yfir eldstöðina en óvissustig almannavarna er enn í gildi.

Vanskil á íbúðalánum hafa ekki aukist, þrátt fyrir hækkandi stýrivexti. Bankastjóri Arion banka segir að samkeppni á íbúðalánamarkaði muni tryggja góð kjör fyrir viðskiptavini.

Forstöðumaður félagsþjónustu hjá Akureyrarbæ segir sárt að hugsa til þess fjölda íbúða sem standi auðar í bænum, á meðan erfiðlega gangi að finna íbúðir fyrir flóttafólk frá Úkraínu.

Spár um hrakfarir Íhaldsflokksins í sveitarstjórnarkosningum í Bretlandi virðast ætla að ganga eftir.

Úrslitakeppni úrvalsdeildar karla í handbolta hófst að nýju í gærkvöldi eftir tveggja vikna landsleikjahlé. Mikill fögnuður braust svo út í Napoli eftir að fótboltalið borgarinnar varð ítalskur meistari í fyrsta sinn í 33 ár.

Frumflutt

5. maí 2023

Aðgengilegt til

4. maí 2024

• 00:02:16 Umhverfisráðherra um upprunavottorð
• 00:04:11 Wagner-liðar hóta að yfirgefa Bakhmut
• 00:05:35 Rannsókn á andláti ungu konunnar á Suðurlandi
• 00:06:16 Fjöldamorðin í Serbíu
• 00:08:20 Skjálftar í dag
• 00:08:56 Afkoma Arion
• 00:10:29 Örlar á grænu í Kauphöllinni
• 00:11:10 Snjóhengja á leigumarkaði
• 00:13:12 Flóttafólki á Akureyri vantar húsnæði
• 00:14:46 Vantöldu skuldir borgarinnar um 2,5 milljarða
• 00:15:31 Íhaldsflokkurinn tapar í UK
• 00:16:53 Ástæður engisprettufaraldra útskýrðar
• 00:18:27 Íþróttir
• 00:20:39 Veður
• 00:20:57 Seinni helst

Útvarpsfréttir.