Hádegisfréttir

Hádegisfréttir 31. júlí 2023

Rússnesk stjórnvöld segjast hafa hert árásir í Úkraínu eftir drónaárásir á Mosvku í gær. Fjögur hið minnsta létust í árás á heimaborg Úkraínuforseta, þar á meðal tíu ára stúlka.

Orðræðan um Úkraínustríðið er að breytast í Rússlandi og handtökur færast í aukana, segir Jón Ólafsson sérfræðingur í málefnum Rússlands. Árinu 2023 sé líkt við 1937 þegar hreinsanirnar miklu stóðu sem hæst.

Slökkvilið náði tökum á gróðureldunum á Reykjanesskaga seint í gærkvöld. Gosið við Litla-Hrút er sennilega að fjara út.

Skráðar gistinætur í júní hafa aldrei verið fleiri en nú, nærri ein komma tvær milljónir.

Framkvæmdir við stækkun bílastæðis í Landmannalaugum hefjast á næstu vikum. Skipulagsstofnun telur að í stað þess að byggja á óröskuðu svæði væri réttara að byggja upp núverandi þjónustusvæði. Oddviti Rangárþings ytra segir að ekki sé ástæða til að endurskoða staðsetningu fyrirhugaðra framkvæmda.

Forstjóra Heilsuverndar þykja tafirnar sem hafa orðið á framkvæmdum vegna myglu á Hjúkrunarheimilinu Hlíð óásættanlegar. Ástandið hafi valdið tekjutapi og álagi á heilbrigðiskerfið.

Stjórnvöld í Danmörku vilja banna kóranbrennur við erlend sendiráð, en vita ekki hvernig þau ætla að fara að því. Stjórarandstöðuflokkar gagnrýna þessi áfrom harðlega.

Harry Potter dagurinn er haldinn hátíðlegur í dag. Á þeim degi er afmæli skáldsagnapersónunnar Harry Potter fagnað, en hann er 43 ára í dag.

Frumflutt

31. júlí 2023

Aðgengilegt til

30. júlí 2024

• 00:01:40 Árásir í Úkraínu og Rússlandi
• 00:02:19 Væringar innan Rússlands
• 00:04:47 Gosið
• 00:07:22 Metfjöldi gistinátta í júní
• 00:07:41 Framkvæmdir að hefjast í Landmannalaugum
• 00:09:55 Staðan í Reykjanesbæ
• 00:12:40 Harma tafir vegna myglu á Hlíð
• 00:14:41 Blaðamannafundur í Danmörku um kóranbrennur
• 00:16:08 Kóranbrenna í Svíþjóð
• 00:16:38 Harry Potter-dagur á Amtsbókasafninu
• 00:19:02 Íþróttir
• 00:21:03 Veður
• 00:21:17 Seinni helst

Útvarpsfréttir.