Hádegisfréttir

Hádegisfréttir 24. ágúst 2023

Frumvarp um búsetuúrræði með takmörkunum fyrir hælisleitendur er í smíðum og verður lagt fram á haustþingi.

Flestir telja að flugvél Jevgenís Prígósjín, leiðtoga Wagner-málaliðahersins, sem fórst skammt frá Moskvu í gær, hafi verið skotin niður að skipan Vladimírs Pútíns Rússlandsforseta.

Stýrivaxtahækkanir Seðlabankans síðustu tvö ár hafa aukið árlegan kostnað landbúnaðarins um hálfan sjötta milljarð, segir formaður Bændasamtakanna og þungt hljóð í bændum. Dæmi eru um að árlegur kostnaður bús hafi farið úr tuttugu og sex milljónum króna í nærri fimmtíu.

Landsnet telur að Íslendingar nái ekki ná fullum orkuskiptum fyrir 2040 eins og ríkisstjórnin hefur stefnt að. Sólarorka verði stærri hluti af orkubúskap landsmanna í framtíðinni.

Ávörðun japanskra stjórnvalda um að losa fráveituvatn úr Fukushima kjarnorkuverinu hefur verið afar umdeild. Vísindamenn hjá Alþjóðakjarnorkumálastofnun segja vatnið hættulaust.

Donald Trump fyrrverandi forseti Bandaríkjanna sá ekki ástæðu til að mæta mótframbjóðendum sína í kappræðum Repúblikanaflokksins í gærkvöldi.

Frá 1. júlí var bannað að halda hænur í hefðbundnum hænsnabúrum á Íslandi. Matvælastofnun kannar á næstu vikum hvort eggjabændur framfylgi banninu, sem hafði verið frestað tvisvar að beiðni bænda.

Hnúðlax sækir í sig veðrið í íslenskum ám en veiðimenn veiddu á þriðja tug fiska í Eyjafjarðará í gær. Útbreiðsla hans veldur veiðimönnum áhyggjum.

Frumflutt

24. ágúst 2023

Aðgengilegt til

23. ágúst 2024

• 00:01:49 Vinnur að frumvarpi um varðhaldsbúðir
• 00:03:54 Jón Ólafsson um Prígósjín
• 00:05:37 Albert neitar sök
• 00:06:25 Orkuspá Landsnets
• 00:07:57 Vaxtahækkun að sliga bændur
• 00:10:01 Rannsókn á bruna í Hafnarfirði
• 00:10:59 Kjarnorkuverið Fukushima
• 00:12:49 Skuldabréfaútboð Isavia
• 00:13:17 Kappræður Repúblikana
• 00:15:21 Bannað að halda hænur í búrum
• 00:17:03 Veiddu tugi Hnúðlaxa í Eyjafjarðará
• 00:18:34 Íþróttir
• 00:20:37 Veður
• 00:21:00 Seinni helst

Útvarpsfréttir.