Allar verkfallsboðanir BSRB voru samþykktar í atkvæðagreiðslu sem lauk í dag. Félagar í tuttugu og níu sveitarfélögum áforma skæruverkföll næstu mánuði.
Maður féll í gær fram af björgum við Arnarstapa á Snæfellsnesi og lést. Björgunarsveitir þurftu að fara sjóleiðina til að komast á slysstað vegna erfiðra aðstæðna.
Sífellt fleiri leita til sorgarmiðstöðvar vegna skyndilegs fráfalls fólks í fíknivanda. Það segir Stjórnarformaður Sorgarmiðstöðvar, stór hlut þeirra séu börn sem misst hafa foreldri.
Fjórtán eru látin í flóðum á Ítalíu og enn er leitað að fólki í mestu rigningum á Norður-Ítalíu í heila öld.
Bændum í Miðfirði hefur verið gefinn frestur til 19. júní til að láta aflífa fé sem talið er að gæti verið smitað af riðuveiki. Matvælaráðherra segist bjartsýn á að málið leysist án afskipta ráðuneytisins.
Volodymyr Zelensky Úkraínuforseti mætti óvænt á leiðtogafund Arabaríkjanna í Jeddah í morgun. Líklegt er að hann haldi þaðan til Hirosima á leiðtogafund G-7 ríkjanna.
Leikstjóri hjá leikhópnum Perlunni gagnrýnir akstursþjónustu fatlaðra og segir að leikarar með fötlun séu ítrekað skildir einir eftir eða sóttir á röngum tíma.