Hádegisfréttir

Hádegisfréttir 02. ágúst 2023

Donald Trump segir að nýjasta ákæran á hendur honum sé afskipti af forsetakosningum á næsta ári, og kallar hana ofsóknir. Hann er sakaður um að hafa gert tilraun til að grafa undan lýðræðinu eftir forsetakosningar 2020.

Formaður allsherjar- og menntamálanefndar segir að lög um alþjóðlega vernd séu vel úr garði gerð, þrátt fyrir mál konu sem flúði mansal og var hafnað um vernd hér á landi.

Heimsmarkaðsverð á korni hefur hækkað um tíu prósent undanfarnar vikur -- eftir ítrekaðar árásir Rússa á hafnarmannvirki í vesturhluta Úkraínu, þaðan sem korn er nú flutt. Kornsíló og vöruhús í hafnarborg við landamæri Úkraínu og Rúmeníu urðu fyrir árás í morgun.

Tvær þyrlur lentu inni á hættusvæðinu við Litla-Hrút í gærkvöld. Lögreglan hefur málið til athugunar.

Ferðamálastjóri segir kominn tíma á uppbyggingu innviða við Landmannalaugar. Vanda þurfi til verka því staðurinn sé nokkurs konar drottning suðurhluta landsins.

Skátahöfðinginn á Íslandi segir fara vel um þá 140 íslensku skáta sem staddir eru á alheimsmóti í Suður-Kóreu. Fjöldi skáta hefur örmagnast þar í miklum hitum.

Frumflutt

2. ágúst 2023

Aðgengilegt til

1. ágúst 2024

• 00:01:34 Ákærur gegn Trump
• 00:03:40 Blessing framhald
• 00:05:46 Rússar ráðast á hafnarmannvirkið við Dóná
• 00:08:07 Forsætisráðherra Túnis rekin
• 00:08:51 Landmannalaugar
• 00:11:00 Þyrlur lentu á bannsvæði við gosið
• 00:12:05 Mesta rigning í 140 ár í Kína
• 00:12:53 Fellibylur í Japan
• 00:13:16 Skátar örmagnast í hitum í Suður-Kóreu
• 00:15:09 Hvellur í Hafnarfirði
• 00:15:31 Wacken þarf að fækka gestum vegna veðurs
• 00:17:21 Sumargrill á Hrafnistu
• 00:18:48 Íþróttir
• 00:20:43 Veður
• 00:21:10 Seinni helst

Útvarpsfréttir.