Hádegisfréttir

Hádegisfréttir 09. ágúst 2023

Neyðarástand ríkir við vatnsaflsvirkjun í austur Noregi og verið er að flytja fólk í burtu. Vatn í lóninu hækkar og flæðir yfir stíflu þar sem lúgur virkjunarinnar virka ekki. Til skoðunar er að sprengja eina lúguna til að lækka þrýstinginn. Óveðrið Hans geisar enn í Noregi og Svíþjóð.

Framkvæmdastjóri Jafnréttisstofu segir mögulegt að gjaldskrárhækkanir í Kópavogi valdi því að foreldrar í viðkvæmri stöðu sniðgangi leikskóla og hafi börn sín heima. Stofnunin minnir á að sveitarfélögum beri lagaleg skylda til að meta áhrif slíkra ákvarðana á mismunandi hópa.

Óvenju fá kynferðisbrot hafa verið tilkynnt lögreglu eftir verslunarmannahelgina. Lögreglustjórinn í Vestmannaeyjum þakkar það ötulu starfi í gegnum árin en talskona Stígamóta varar við að lesa of mikið í kærur helgarinnar.

Tugir flóttamanna fórust þegar bátur strandaði úti fyrir ítölsku eyjunni Lampedusa. Teymisstjóri í málefnum flóttafólks segir að bátar séu oft í slæmu ástandi og yfirfullir af fólki.

Kertum verður fleytt víða um land til að minnast fórnarlamba kjarnorkuárása á Hiroshima og Nagasaki árið 1945. Þjóðfræðingur segir að áhrifa árásanna gæti enn í japanskri menningu.

Flokkun heimilissorps vefst fyrir sumum eftir að nýtt flokkunarkerfi var innleitt á höfuðborgarsvæðinu og Suðurnesjum í vor. Við lítum við á tunnulager Reykjavíkurborgar í Gufunesi í fréttatímanum.

Frumflutt

9. ágúst 2023

Aðgengilegt til

8. ágúst 2024

• 00:01:38 Neyðarástand við virkjun í Noregi
• 00:03:22 Jafnréttisstofa
• 00:05:25 Kynferðisbrot um verslunarmannahelgina
• 00:07:26 Létust á Miðjarðarhafi
• 00:09:05 Kynbundin mismunun hjá RKÍ
• 00:10:21 Atvinnuleysi 2,5 prósent í júní
• 00:10:46 Skógareldar og hitabylgja
• 00:12:22 Kjarnorkusprengjur og kvikmyndir
• 00:14:18 Ösku úkraínsks hermanns dreift í Færeyjum
• 00:15:50 Flokkun gengur vel - eða hvað?
• 00:18:09 Rúmfatalagerinn verður Jysk
• 00:18:35 Íþróttir
• 00:20:29 Veður
• 00:21:00 Seinni helst

Útvarpsfréttir.