Síðdegisútvarpið

Prescriby lýkur 300 milljóna hlutafjárútboði,Mogginn með borgarafundi,heljarmenni gengur fyrir Píeta og diskósúpudagar

13 skiluðu listum áður en framboðsfrestur til embættis forseta Íslands rann út á hádegi í dag. Framundan er spennandi kosningabarátta og má gera ráð fyrir að um fátt annað verði fjallað í fjölmiðlum næstu misserin. Mogginn ætlar að vera með skemmtilega nýjung í umfjöllun sinni í aðdraganda kosninganna og hingað til mín á eftir kemur Andrés Magnússon blaðamaður og fulltrúi ristjóra til að segja okkur frá því sem í boði verður á Morgunblaðinu en auk þess ætlum við að ræða frambjóðendurna og baráttuna sem framundan er.

Fyrir skömmu kom Kjartan Þórsson læknir til okkar til að segja okkur frá Prescriby en Prescriby er hugbúnaðarkerfi sem að gerir heilbrigðisstarfsfólki kleift að veita öruggari meðferðir og eftirfylgd með sterkum verkjalyfjum, róandi og svefnlyfjum. Kerfið var þróað á Íslandi af læknum og forriturum og er nú komið í notkun á nokkrum stöðum á Íslandi auk þess sem að kerfið á að vera farið í loftið í Kanada og er á leið í loftið í Danmörku síðar á þessu ári. Nú eru nýjar og ánægjulegar fréttir að berast af þessu sprotafyrirtæki sem vinnur að ópíóíða forvörnum en Prescriby var að ljúka 300 milljón króna hlutafjárútboði. Við sláum á þráðinn til Kjartans Þórssonar á eftir og fáum að heyra betur af þessu.

Síðasta laugardag í apríl, tileinka Slow Food samtökin um heim allan baráttunni við matarsóun en um þriðjungur allra framleiddra matvæla fara í ruslið á heimsvísu, talið er að matarsóun ein og sér sé ábyrg fyrir losun 8 - 10% allra gróðurhúslofttegunda. Hér í Reykjavík verða um helgina haldnir Diskósúpudagar Slow Food og sú sem veit allt um málið heitir Dóra Svavarsdóttir matreiðslumeistari og kennari og hún ætlar að segja okkur betur frá Diskósúpunni á eftir auk þess sem við ræðum við hana um mikilvægi þess að minnka matarsóun.

Í gær var sumardagurinn fyrsti og því náðum við ekki að koma MEME-i vikunnar að eins og alla fimmtudaga þannig að Atli Fannar Bjarkason kemur til okkar á eftir með sjóðandi heitt MEME.

Nú í apríl stendur yfir hönnunar mars og við ætlum að beina sjónum okkar að hönnun í þættinum. Við ætlum að heyra í Erni Smára Gíslsyni hönnuði en hann hefur verið heltekin af þeim formum sem hægt er að finna í auðlindinni sem er allt í kringum landið, sjónum. Hann er með sýningu sem opnaði í gær í Sjávarklasanum og hefur yfirskriftina Sæ:flúr. Meira um það á eftir.

Berg­ur Vilhjálmsson starfar hjá slökkviliði höfuðborg­ar­svæðis­ins sem slökkviliðs-, og sjúkra­flutn­ingamaður en hann er í þessum töluðu orðum að ganga frá Akranesi, inn og út Hvalfjörðinn og til Reykjavíkur alls 100 kílómetra með sleða hlaðinn 100 kílóum. Þetta gerir hann allt til að heiðra minningu mömmu besta vinar síns, en hún lést fyrir einu og hálfi ári síðan eftir mikil andleg veikindi og er þetta söfnunarganga fyrir Píeta en Píeta eru eins og allir vita samtök sem sinna forvarnarstarfi gegn sjálfsvígum og sjálfsskaða og styðja við aðstandendur. Við ætlum að heyra í Bergi eftir smá stund og heyra hvernig ferðalaginu miðar og hvernig hann hafi það á þessari erfiðu göngu.

Frumflutt

26. apríl 2024

Aðgengilegt til

26. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.