Síðdegisútvarpið

6.júní

Sameiginlega viðbragðssveitin (Joint Expeditionary Force, JEF) sem Bretar leiða ásamt Norðurlöndunum, Eystrasaltsríkjunum og Hollandi setur í æfingaskyni upp færanlega herstjórnarmiðstöð á öryggissvæðinu í Keflavík í júní. Jónas Allansson skrifstofustjóri á varnarmálaskrifstofu utanríkisráðuneytisins kemur til okkar og segir okkur betur frá því sem er í gangi á vellinum.

Sorpa hefur beðist afsökunar á að hafa ekki sagt með skýrari hætti hvað verður um drykkjafernunar sem íbúar á höfuðborgarsvæðinu flokka. ?Í nýlegri umfjöllun fjölmiðla kom fram að fernur sem flokkaðar hafa verið með pappír séu ekki endurunnar heldur endurnýttar í orkuvinnslu. Þetta er rétt og hefur SORPA fengið það staðfest hjá fyrirtækinu Smurfit Kappa í Hollandi, endurvinnsluaðila sínum á pappír.? Sorpa segir að þrátt fyrir þetta nái Sorpa um 92% árangri í endurvinnslu á pappír og biðlar Sorpa til fólks að halda áfram að flokka. Gunnar Dofri Ólafsson samskiptastjóri Sorpu kemur til okkar á eftir

Listasumar hefst á Akureyri á morgun en þá eru í boði ýmiskonar uppákomur og upplifanir fyrir gesti og bæjarbúa að njóta. Gígja Hólmgeirsdóttir forvitnaðist nánar um hvað gerist á Listasumri og ræddi við verkefnastjórann Almar Alfreðsson.

Rúmlega 60 ára sögu bíósýninga í Háskólabíói lýkur um mánaðamót. Sena, sem hefur séð um bíóreksturinn síðustu 15 árin, hefur sagt upp samningi sínum. Konstantín Mikaelsson, framkvæmdastjóri Senu, segir að komið sé að endastöð með rekstur kvikmyndahúss í húsnæðinu. Auknar kröfur neytenda um aðstöðu vegi þar þyngst ásamt minnkandi aðsókn. Við fáum til okkar á eftir Ásgrím Sverrisson, ritstjóra vefmiðilsins Klapptrés, það eru fáir fróðari um íslenskar kvikmyndir og kvikmyndir almennt, en við rákum augun í færslu á fésbókarsíðu hans þar sem að hann rifjar upp fjölmargar bíóminningar úr Háskólabíói.

Hollvinafélag Varmalands stendur fyrir ?Bæjarhátíð? sem kölluð er Varmalandsdagar ? List og Lyst. Varmaland er líklega eitt minnsta þéttbýli landsins en smægðin mun ekki standa í vegi fyrir glæsilegri hátíð. Vilhjálmur Hjörleifsson segir okkur nánar frá Varmalandsdögum á eftir.

En við ætlum að byrja á erlendum fréttum, hingað er kominn Markús Þórhallsson fréttamaður.

Frumflutt

6. júní 2023

Aðgengilegt til

5. júní 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.