Síðdegisútvarpið

Útlendingaumræða, Grindavík opnuð á ný og helstu menningarfréttirnar

Lögreglustjóri Lögreglunnar á Suðurnesjum tilkynnti í dag að Grindvíkingar fá að dvelja í bænum allan sólarhringinn samkvæmt nýjum reglum sem taka gildi í fyrramálið. Það er gert á eigin ábyrgð, ítrekað er að innviðir séu í lamasessi og enn sé hætta á ferðum.Formaður bæjarráðs Grindavíkur (og lögreglumaður), Hjálmar Hallgrímsson, er á línunni en íbúafundur verður haldinn klukkan fimm í dag.

Margir lyftu augabrúnum eftir viðtal Kristrúnar Frostadóttur við hlaðvarpsstjóranda Einnar Pælingar, þar sem hún fór yfir útlendingamálin. Sumum finnst eins og nýr tónn hafi almennt verið sleginn í þessari umræðu. Jóhann Páll Jóhannsson, þingmaður Samfylkingarinnar, kemur til okkar og ræðir þennan meinta nýja tón Samfylkingarinnar í útlendingamálum, sem og umræðuna í heild sinni.

Barnabækur hafa rokið upp í sölu samkvæmt frétt Morgunblaðsins. Er það sett í samhengi við fregnir af slöku gengi íslenskra barna í PISA könnunni. Heiðar Ingi Svansson, formaður félags bókaútgefanda kemur til okkar og ræðir um bækur.

Ritstjóri Menningarsmyglsins, Ásgeir Ingólfsson verður á línunni frá Berlín og ætlar að ræða við okkur um bresku kvikmyndaverðlaunin Bafta og hvað úrslitin þýða fyrir aðrar hátíðir. Auk þess sem Alþjóðlega kvikmyndahátíðin í Berlín er við það að hefjast.

Menningamálaráðherra tilkynnti í dag um nýja þjóðaróperu sem verður hluti af Þjóðleikhúsinu, en aðalaðset­ur henn­ar verður í Hörpu sem mun aðlaga rými sín fyr­ir aukna óperu­starf­semi í hús­inu. Þá er gert ráð fyr­ir að sýn­ing­ar verði í Hörpu, í Hofi á Ak­ur­eyri og víðar. Þjóðarópera verður skipuð tólf ein­söngvur­um og sex­tán manns í kór, auk fasts starfs­fólks.Giss­ur Páll Giss­ur­ar­son, söngv­ari og formaður Klass­ís, fræðir okkur um þessar hugmyndir.

Þá stendur til að umbreyta lýsistönkum á Raufarhöfn í tónleikasal.

Lagalistinn:

Páll Óskar Hjálmtýsson - Elskar þú mig ennþá.

LAUFEY - Everything I know about love.

BOB MARLEY & THE WAILERS - Could You Be Loved.

Swift, Taylor - Is It Over Now (Taylor's Version).

Júlí Heiðar - Farfuglar.

Friðrik Dór Jónsson - Aftur ung (Dansaðu við mig).

NO DOUBT - Underneath it all.

THE BAMBOOS - Ex-Files.

PÁLMI GUNNARSSON - Núna.

Frumflutt

19. feb. 2024

Aðgengilegt til

18. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.