Síðdegisútvarpið

Umdeilt listaverk, rafbílavandræði og biskupskjör

Íslendingar munu ekki ná markmiðum sínum varðandi að rafvæða bílaflota okkar Íslendingar að mati Tómasar Kristjánssonar, formanns Rafbílasambands Íslands. Tómas kemur til okkar og ræðir stöðu rafbílsins hér á landi, sem stendur höllum fæti að hans mati.

Á morgun, föstudag, verður haldin ráðstefna í Sjónminjasafninu í Reykjavík en þar verður miðlun minja, menningar og náttúru til umfjöllunar. Horft til framtíðar: Miðlun, menning, möguleikar. Sérstök áhersla verður lögð á fjölbreytta möguleika stafrænnar miðlunar og hvernig hægt er að nýta samfélagsmiðla til að segja sögur.

Þær Rúna K. Tetzchner og Margrét Júlía Ingimarsdóttir eru báðar nemendur á meistarastigi í hagnýtri menningarmiðlun við HÍ. Þær koma til okkar á eftir og segja frá.

Það eru ekki bara forsetakosningar í deiglunni, kirkjunnar menn velja sér nýjan biskup og lýkur kosningu í byrjun næstu viku. Við fáum Pétur Markan, bæjarstjóra Hveragerðis til okkar til þess að spá í spilin, en hann lét nýverið af starfi hjá þjóðkirkju Íslands og er öllum hnútum kunnugur innan kirkjunnar.

Atli Fannar Bjarkason verður á sínum stað í dag með Me me vikunnar.

Í kvöld verður Torgið umræðuþáttur í beinni útsendingu og í kvöld verður umfjöllunarefnið stytting náms til stúdentsprófs. Hver hefur árangurinn af styttingunni verið og hvaða afleiðingar hefur hún haft? Þau Baldvin Þór Bergsson og Sigríður Halldórsdóttir eru umsjónarmenn þáttarins. Þau koma til okkar og segja frá.

En fyrst þetta. Oddviti Sjálfstæðisflokksins í Vestmannaeyjum hefur áhyggjur af kostnaði og gerð listaverks eftir Ólaf Elíasson sem til stendur að reisa í Vestmannaeyjum og verður skírskotun í eldgosið í Vestmannaeyjum. Morgunblaðið greindi frá því í morgun að listaverkið, sem átti að kosta 120 milljónir, verði líklega dýrara auk þess sem til stendur að leggja göngustíg í gegnum Eldfell en slíkt hraun er friðað. Eyþór Harðarson er á línunni. Segðu okkur aðeins frá þessu máli.

Frumflutt

11. apríl 2024

Aðgengilegt til

11. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.