Síðdegisútvarpið

14.ágúst

Nú styttist í skólabyrjun og kennarar eru í óðaönn að mæta til vinnu að undirbúa næsta skólaár. Við ætlum að heyra í Helgu Dögg Sverrisdóttur formanni Bandalags kennara á Norðurlandi eystra á eftir en hún skrifaði grein í Vikublaðið í dag, grein sem hún beindi að kennarastéttinni og var hún þar að fara yfir nokkur atriði sem kennarar þurfa að hafa í huga fyrir komandi vetur

Síðdegisútvarpið hittir sveitastjóra Dalvíkurbyggðar, Eyrúnu Sigþórsdóttur í þættinum en hún er í hálfgerðu spennufalli eftir Fiskidagshelgina miklu sem heppnaðist einstaklega vel í ár.

Hlaupa­hóp­ur­inn Boss HHHC lagði af stað í morgun frá Akureyri og er stefnan tekin á Reykjavik en þangað ætla þeir sér að vera komnir á laugardaginn. Hópurinn sem hleypur í jakkafötum, hleyp­ur fyr­ir Kraft, stuðnings­fé­lag fyr­ir ungt fólk sem greinst hef­ur með krabba­mein og aðstand­and­end­ur, og í minn­ingu Ingu Hrund­ar Kjart­ans­dótt­ur sem lést á síðasta ári aðeins 37 ára af völd­um krabba­meins. Inga Hrund var eig­in­kona Rún­ars Marinós Ragn­ars­son­ar, góðvin­ar hóps­ins. Í hádeginu þegar ég náði tali af Pétri Ívarssyni sem fer fyrir hópnum voru þeir að leggja í hann á Öxnadalsheiðinni. En við ætlum að heyra í Pétri í beinni á eftir og forvitnast um hvert planið er og hvernig hafi gengið hingað til.

Okkur í Síðdegisútvarpinu langar til þess að opna umræðu um leikvelli hér á landi. Öll könnumst við við að hafa einhverntíman farið á róló eða leikvelli og þá sérstaklega yfir sumartímann til að hafa ofan af fyrir yngri kynslóðinni. Mörgum þykir ákveðið metnaðarleysi í þessum málaflokki hér á landi og vill sú umræða fara á flug meðal foreldra að leikvellir landsins séu arfaslakir og séu barn síns tíma þar sem ekkert hefur breyst í áraraðir. Hér vanti frumlega, krefjandi og skemmtilega leikvelli fyrir börn, en þeir séu á hverju strái í útlöndum. Síðdegisútvarpið tekur þetta stóra mál í sínar hendur, opnar fyrir símann og spyr einfaldlega hvar bestu leikvelli landsins sé að finna og hvað finnst ykkur hlustendum að mætti betur fara á leikvöllum landsins.

En við byrjum á þessu. Það er heldur betur búið að vera líf og fjör á Akureyrir í dag og nóg að gera hjá hafnastjóranum Pétri Ólafssyni. Í dag er nefnilega einn stærsti dagur sumarsins í komu skemmtiferðaskipa til Akureyrar og Pétur er á línunni.

.

Frumflutt

14. ágúst 2023

Aðgengilegt til

13. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.