Síðdegisútvarpið

Vasapeningar eldri borgara, Vestri fer í Bestu, verðlaunaðir kokkar og Grammy-tónlistarfólk.

Í dag birtist grein á vísi sem hefur yfirskriftina Látum verkin tala. Höfundur hennar er Tómas A Tómasson þingmaður Flokks fólksins og þar skrifar hann að sér hafi verið hugleikið frá því hann byrjaði á þingi árið 2021 hversu mikið þingmenn eigi að tjá sig og hlusta á aðra þingmenn tjá sig á meðan lítil áhersla sé lögð á að framkvæma þá hluti sem endalust er verið að tala um. Nefnir hann sem dæmi starfshóp sem hafi verið á undirbúningsstigi í níu ár og snýr að afnámi vasapeningafyrirkomulags eldri borgara sem flytjast á hjúkrunarheimili og eru sviptir fjárræði en fái í staðinn vasapeninga sem duga varla upp í nös á ketti. Við ræddum vasapeningafyrirkomulagið við Helga Pétursson formann Landssambands eldri borgara.

Íslenska kokklandsliðið fékk gull fyrir fyrstu keppnisgreinina sem það keppti í á Ólympíuleikunum í Stuttgart í gær en liðið hélt út til Þýskalands á fimmtudaginn var. Við forvitnumst meira um sigurinn í gær og hvað framundan er hjá liðinu hjá Þóri Erlingssyni forseta Klúbbs matreiðslumeistara sem á og rekur kokkalandsliðið.

Vertu með í Edrúar. Edrúar febrúar. SÁÁ hvetur landsmenn til þess að prófa Edrú lífstíl í febrúar og fá sem flesta til að finna það á eigin skinni hvað það er gott að sleppa því að neyta áfengis, amk í Edrúar. Þessu tengt ætlum við að fá til okkar á eftir þrjá einstaklinga, þau eru öll góðir vinir og tvö þeirra eru hjón en það sem þau eiga öll sameiginlegt er að hafa ákveðið að hætta að drekka upp á sitt eindæmi og líkar vel. Þau Guðmundur Má Ketilsson, Monika Emilsdóttir og Karl Jónas Smárason kíktu í kaffi.

Knattspyrnulið Vestra á Ísafirði munu þreyta frumraun sína í efstu deild karla, Bestu deildinni þegar hún hefst í vor og gerði liðið samstarfssamning við bæinn þess efnis að tryggt verði að liðið gæti æft um vetrarmánuðina og að nýtt gervigras yrði sett á heimavöllinn þeirra á Torfnesi. Nú hafa bæjaryfirvöld hafnað ósk Vestra-manna um að þeir annist vallarsvæðið og við heyrðum í Samúel Samúelssyni formanni meistaraflokksráðs Vestra um stöðu mála.

Konur voru í fararbroddi í helstu flokkum við afhendingu Grammy-verðlaunanna í gær. Taylor Swift varð þá fyrsta manneskjan í sögu verðlaunahátíðarinnar til að hljóta verðlaun fyrir breiðskífu ársins fjórum sinnum og Laufey okkar Lín hlaut verðlaunin fyrir plötu sína, Bewitched, í flokki hefðbundinna söng-poppplatna. Ingunn Lára Kristjánsdóttir fréttamaður vakti og horfði á Grammy í nótt og sagði okkur frá því helsta.

Í til­kynn­ingu frá al­manna­vörn­um í morgun kom fram að yfir 1.000 manns gætu heimsótt heimili sín í Grinda­vík­ í dag til að vitja eigna sinna og verða um 400 bíl­ar í hverju tíma­hólfi. Kvika und­ir Svartsengi er nú um 9 millj­ón­ir rúm­metr­ar og því að sama magni og þegar gaus 14. janú­ar. Við tókum stöðuna með Hjördísi Guðmundsdóttur samskiptastjóra hjá almannavarnadeild ríkislögreglustjóra.

Frumflutt

5. feb. 2024

Aðgengilegt til

4. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.