Síðdegisútvarpið

Út með jafnlaunavottun, rafvirkjaskortur og stelpurnar okkar

Í gær heyrðum við í Hönnu Símonardóttur sjálfboðaliða og fósturmóður fylgdarlauss palestínsks barns en hún var stödd úti í Kaíró í Egyptalandi þar sem sjálfboðaliðar freista þess að ná hingað til lands fólki sem fengið hefur dvalarleyfi hér á landi á grundvelli fjölskyldusameiningar. Von var á hópi hingað til lands í dag, aðallega börnum, og spyrjum við Hönnu um hvernig ferðalagið hefur gengið og gang mála ytra. Í dag heyrum við í Vésteini Sveinssyni sem er einn þeirra sem hefur aðstoðað við að koma fólkinu til landsins en hann er einnig staddur úti í Kariró og við fáum að vita hver staðan er í dag.

Á föstudaginn var undirritaður samn­ing­ur um bygg­ingu á nýrri fjöl­nota farþegamiðstöð Faxa­flóa­hafna á Skarfa­bakka í Sunda­höfn. Faxaflóhafnir efndu til samstarfssamkeppni vegna hönnunar og byggingar á fjölnota farþegamiðstöð á þessum stað og er aðstöðunni ætlað að þjóna öllum gerðum farþegaskipa, hvort heldur fyrir farþega sem hefja eða ljúka sinni ferð á Íslandi, sem og þeim sem eingöngu eru í dagsheimsókn. Gunnar Tryggvason er hafnarstjóri Faxaflóahafna hann kemur til okkar á eftir.

Samkvæmt nýrri greiningu Samtaka iðnaðarins er verulegur skortur á rafvirkjum á Íslandi og sá fjöldi sem útskrifast árlega með sveinspróf í rafvirkjuner langt undir áætlaðri meðalþörf fyrirtækja í rafiðnaði. Réttindi erlendra rafvirkja falla ekki alltaf að íslenskum reglum og í samtali við Morgunblaðið í dag segir Jóhanna Klara Stefánsdóttir sviðsstjóri mannvirkjasviðs SI að þær töl­ur sem koma fram í könn­un­inni gera ekki ráð fyr­ir áhrif­um þeirra metnaðarfullu áforma sem eru uppi hjá stjórn­völd­um um að greiða leið orku­skipta og auka raf­orku­fram­leiðslu, og því er lík­lega þörf á mun fleiri raf­virkj­um en könn­un­in gef­ur til kynna. Jóhanna kemur til okkar á eftir og segir okkur betur frá.

Kvennalandsliðið í fótbolta mætti Serbíu í seinni leik liðanna í umspili um sæti í A-deild Þjóðadeildarinnar, Gunnar Birgisson lýsti leiknum í sjónvarpinu hann kemur til okkar og fer yfir úrslitin og stöðu íslenska landsliðsins eftir leikinn.

Við ætlum að kynna okkur efni Kveiks þáttar kvöldsins en til umfjöllunar er Rauða gullið -Blóðmerahald á Íslandi. María Sigrún Hilmarsdóttir er umsjónarmaður þáttarins og hún kemur til okkar ásamt Gísla Þór Þorkelssyni pródúsent.

Diljá Mist Ein­ars­dótt­ir, þingmaður Sjálf­stæðis­flokks­ins greindi frá því í hlaðvarpinu Þjóðmál fyrr í dag að hún hyggðist leggja fram frum­varp þess efn­is að af­nema jafn­launa­vott­un.

Ástæðuna segir Diljá vera þá að jafnlaunavottunarkerfið sé hrika­legt bákn og svo vitnað sé í orð Diljár þá segir hún Viðreisn ber ábyrgð á og það sé búið að sýna sig að þetta kerfi sé algjört rusl. Við hringjum í Diljá í þættinum.

Frumflutt

27. feb. 2024

Aðgengilegt til

26. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.