Síðdegisútvarpið

13.nóvember

Það mæðir mikið á fólki sem hefur þurft að yfirgefa Grindavík. Margir eiga um sárt að binda og erfitt að setja sig í spor þeirra sem þurftu í flýti að yfirgefa heimili og sína persónulegu muni. Óvissan er mikil um framhaldið en hvernig getum við reynt að láta okkur líða betur og hvert getum við leitað ?

Elfa Dögg S. Leifsdóttir er Teymisstjóri ? Heilbrigðisverkefna hjá Rauða Krossinum á Íslandi og hún kemur til okkar eftir smá stund.

Grindvíkingar hafa fengið að fara heim til sín í dag og sækja helstu nauðsynjarl Björgunarsveitin Þorbjörn í Grindavík ásamt fleira björgunarsveitarfólki hjá Slysavarnarfélaginu Landsbjörg hafa staðið í stórræðum síðustu daga í tenglsum við jarðhræringarnar í Grindavík. Jón Þór Víglundsson upplýsingafulltrúi Slysavarnarfélagsins verður á línunni á eftir og fer yfir stöðuna með okkur.

Félag kvenna í atvinnulífinu og Bara tala standa fyrir málþingi um stöðu íslenskunnar undir yfirskriftinni ,,Borðum þennan fíl?. á morgun. Grace Achieng kemur til okkar í dag en hún kom til íslands árið 2010 og talar í dag reiprennandi íslensku -. Hún segir okkur frá því hvernig tungumálið hefur reynst henni valdatæki og lykill að samfélaginu en hún er í dag stofnandi og framkvæmdastjóri Gracelandic. Með henni kemur Jón Gunnar Þórðarson sem er framkvæmdastjóri Bara tala en það er stafræn lausn sem kennir íslensku.

Hópur umsækjenda um alþjóðlega vernd frá Venesúela var fluttur frá Grindavík á fimmtudag. Þau fengu einungis að taka með sér það allra nauðsynlegasta. Hópnum var skipt upp og færður á þrjá staði, upp í Hvalfjörð, Borgartún í Reykjavík og á Laugarvatn. Við ætlum að ræða stöðu þessa fólks við Kristján Hrannar Pálsson tónlistarmann og organista í Grindavíkurkirkju.

Erlendir fréttamiðlar hafa um helgina fjallað um jarðhræringarnar á Reykjanesinu. Við ætlum að ræða við Jóhannes Þór Skúlason framkvæmdastjóra samtaka ferðaþjónustunnar og spyrja hann út í hvort að jarðhræringarnar og neyðarstig almannavarna sé þegar farið að hafa áhrif á komu ferðmanna hingað til lands.

Lögreglan á Suðurnesjum hefur ákveðið að loka Grindavíkurbæ núna klukkan fjögur. Fólk hefur haft tíma fram að því til að sækja nauðsynjar á heimili sín og eftir hálftíma verður ráðist í rýmingu bæjarins. Dýraverndarsamtök undirbúa að sækja þau gæludýr sem eftir eru í Grindavík núna seinnipartinn það er ef einhver gæludýr verða enn eftir eftir atburði dagsins. Jóhanna Ása hjá Kattholti er á línunni hjá okkur.

Frumflutt

13. nóv. 2023

Aðgengilegt til

12. nóv. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.