Síðdegisútvarpið

17.ágúst

Isavia hefur krafist þess að tæp þrjú þúsund tré verði felld í Öskjuhlíðinni milli Háskólans í Reykjavík og Fossvogskirkjugarðs. Ástæðan er flugöryggi. Beiðnin fer nú til umsagnar umhverfis- og skipulagssviðs borgarinnar. Við fáum til okkar á eftir Aðalstein Sigurgeirsson skógfræðing og fagmálastjóri Skógræktarinnar og varaformaður skógrætarfélags Reykjavíkur. til að ræða þessa kröfu Isavia og hver áhrifin yrðu ef hún kæmi til framkvæmdar. Auk þess ætlum við að opna fyrir símann hér eftir smá stund og spyrjum ykkar hlustendur góðir hvernig ykkur lítist á þetta.

Fyrr í vikunni fengum við fréttir af því að tíu handboltastrákar frá Búrúndí hefðu gufað upp á miðju heimsmeistaramóti í handbolta fyrir leikmenn nítján ára og yngri. Landslið Búrúndí þurfti af þeim sökum að gefa leiks sinn á móti Barein en heimsmeistaramótið var haldið í Króatíu. Hvað var þarna í gangi og er eitthvað nýtt að frétta í málinu ? Þorkell Gunnar Sigurbjörnsson kemur til okkar á eftir og fer yfir þetta með okkur.

Við ætlum að fjalla um rallý í þættinum en Red Bull Rallýleiðin verður keyrð annað kvöld og við ætlum að fá til okkar Braga Þórðarson framleiðanda Mótorsport þáttanna og sérfræðing í akstursíþróttum.

Og eins og alltaf á fimmtudögum þá fáum við Atla Fannar Bjarkason til okkar í MEME vikunnar og svo ætlum við að fræðast um það sem í boði verður í Hörpu á menningarnótt, en það er Ása Berglind Hjálmarsdóttir verkefnastjóri dagkrárgerðar sem segir okkur betur frá því.

En við byrjum á þessu hún Vala er að skipuleggja Hvala Gala sem haldið verður í Hvalasafninu á Granda annað kvöld og hún er hingað komin.

Frumflutt

17. ágúst 2023

Aðgengilegt til

16. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.