Síðdegisútvarpið

12.desember

Endómetríósa (legslímuflakk) er alvarlegur sjúkdómur sem veldur verkjum, ófrjósemi og skerðir lífsgæði. Vitundarvakning um sjúkdóminn hefur aukist, ekki síst vegna vandaðrar fræðslu á vegum Endósamtakanna. Jón Ívar Einarsson læknir framkvæmir aðgerðir við Edómetríósu en þessar aðgerðir hafa aukið lífsgæði hundruða kvenna á öruggan og hagkvæman hátt. Jón Ívar kemur til okkar á eftir og segir okkur betur frá.

Farþegar strætó sem ekki greiða rétt fargjald geta átt von á sektum frá og með næstu mánaðamótum. Við heyrum í Jóhannesi Svavari Rúnarssyni framkvæmdarstjóra Strætó og spyrjum hann út í þetta ásamt ýmsum öðrum breytingum sem verða hjá strætó á næstunni.

Kristín Linda Jónsdóttir sálfræðingur er einn íbúa Grindavíkur sem þurfti að rýma heimili sitt þann 10. nóvember sl. eins líkt og aðrir íbúar bæjarins. Kristín hefur verið dugleg að deila upplifunum sínum á samfélagsmiðlum, reynt að gefa okkur hinum aðeins í hugarlund hvað fólk er að glíma við í svona aðstæðum. Kristín kemur til okkar á eftir og segir okkur betur frá þessu öllu saman.

Eitthvað hefur verið um það undanfarið að fólk geri sér ferð í endurvinnslustöðvar Sorpu til þess að taka hluti úr gámum og hafa þessar uppákomur að sögn Gunnars Dofra Ólafssonar samskiptastjóra Sorpu endað með átökum. Við ætlum að forvitnast betur um málið og heyra í Gunnari Dofra á eftir.

Mitt í jólastressinu ætla Jónas Sig og Lára Rúnars bjóða upp á Satsang & Söng í Móum Studio í kvöld en satsang þýðir samkoma sannleikans. Orðið satsang er dregið af sanskrít, þar sem 'sat' þýðir "hreinleiki eða sannleikur" og 'sanga' þýðir "í hópi eða félagi". Megintilgangur er að hver geti speglað sig í sannleika þess sem talar frá hjartanu. Já við ætlum að fræðast um þetta og ræða við Láru um andlega iðkun og nauðsyn hennar.

Verkfall flugumferðastjóra skall á klukkan fjögur í nótt og stóð til klukkan 10 í morgun. Verkfallið hafði veruleg áhrif á starfssemi flugfélaga sem fljúga til og frá landinu en meðan á vinnustöðvuninni stóð stöðvaðist allt flug á áðurnefndum tíma að undanskildu sjúkraflugi og flugi á vegum Landhelgisgæslunnar. Engin niðurstaða náðist á fundi Félags flugumferðarstjóra og Samtaka atvinnulífsins í gær og var honum frestað í gærkvöldi og hófust viðræður á ný hjá Ríkissáttasemjara klukkkan þrjú í dag. Náist ekki samningar stefna flugumferðastjórar á aðra vinnustöðvun á fimmtudag og svo tvisvar í næstu viku. Á línunni hjá okkur er Birgir Jónsson forstjóri Play.

Frumflutt

12. des. 2023

Aðgengilegt til

11. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.